2 Kɔrintebi 4:17 - EBƆRƐ BE KAWƆL

¹⁷ Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

2 Kɔrintebi 4:17 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 119:67

N daŋ wora n da so nna nɛ fo gberge ma kusoe, ama naniere bre n wora fo kamalga kasonu nna na.

Nshɛ 119:71

Kasogberge nɛ n daŋ nya na daŋ chɛ ma to; k daŋ chɛ ma to nɛ ŋ koya fo mbraana.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Aizaaya 64:4

Dra na kikɛ hale m ba fo kabre esa kikɛ maŋ naŋ wu ŋko n nu Ebɔrɛ ko nɛ e du fanɛ fo a tiŋ a wora emamachisheŋ a sa mbe bebɛsopo nɛ b ta bumo be tama n deŋi mo so.

Nɔmbɛs 5:28

Ama nɛ fanɛ eche na maŋ jija ebu bre, kumo ere shɛŋ shɛŋ maaŋ wora mo. Mo alɛ beeŋ kurge mbia.

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Luuk 6:23

Saŋkama nɛ basa bee wora menyi loŋ, men shin nɛ men be ŋgbene e baa fuli menyi ga fanɛ men koso a cha, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ bumo nanaana gba daŋ tɔrɔ anebiana na.

Ashuŋ Shunso 20:23

Kusɔ nɛ m baa nyi e la fanɛ Kiyoyu Cheeŋ na bee fiɛ ma so kade kama to fanɛ kabuti nɛ etɔrɔ bee jo ma saŋko. Ama amo alɛ maŋ tir ma, ŋkpal manɛ so, m maa ta ŋ gbagba be ŋkpa ere fanɛ k la kusɔ ko ma kutɔ.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 8:18

M baa nyi geeŋ fanɛ tɔrɔ mo nɛ anyee nya naniere maaŋ tiŋ n fo kemaŋkura nɛ Ebɔrɛ beeŋ bugi to n sa anyi na kikɛ so kuraa.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 2:9

Ama abɔrɛsibɛ na malɛ bee kaŋɛ fanɛ: “Esa kikɛ maŋ naŋ wu ŋko n nu ŋko n fɛ m pin kusɔ nɛ Ebɔrɛ bela ase n yili basa nɛ baa sha mo na.”

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Filipaiebi 1:19

Kashenteŋto, meeŋ shin nɛ ma kagbene e fuli ma, ŋkpal manɛ so, m baa nyi fanɛ ŋkpal men be kabɔrɛkule so nɛ Yesu Kristo be Kiyoyu na be eleŋ to so meeŋ nya ma kumu n lar kabuti ere to.

2 Tɛsalɔnikaebi 1:4

Amoso nɛ anyi gbagba wɔ Ebɔrɛ be asɔriana to a ji njɔŋ ŋkpal menyi so na. Men be yirda nɛ kanyiti nɛ men kɔ a wɔ awurfoŋ nɛ tɔrɔ damta ere to so nɛ anyee ji njɔŋ loŋ na.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso