2 Kɔrintebi 4:16 - EBƆRƐ BE KAWƆL

¹⁶ Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

2 Kɔrintebi 4:16 ပူးပေါင်းရင်းမြစ်များ

Nshɛ 119:81

N jo fo, Enyɛnpe Ebɔrɛ, nɛ fo sɔ ma n yige n ya gben; ama ma tama kraa wɔ fo kamalga to.

Nshɛ 27:13

M baa nyi geeŋ fanɛ meeŋ ji efute, nseŋ wu fo alelasheŋ durnya ere to.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Nshɛ 73:26

Ma eyur nɛ nfɛra beeŋ tiŋ n wora asheŋ ŋ gben, ama Ebɔrɛ e la ma eleŋ ashi ma kagbene to. Mo alɛ be asheŋ a tir ma jemanɛ kikɛ.

Aizaaya 40:29

Enyɛnpe Ebɔrɛ na e naa sa bekama nɛ b maŋ kɔ eleŋ nseŋ gben a chul to na eleŋ.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Jɛremaya 45:3

E yɛ: “Baruk, fee kaŋɛ le: ‘M maaŋ naŋ wora shɛŋ! Enyɛnpe Ebɔrɛ na shin nɛ ma etɔrɔbi naŋ ti so nna. M baŋ shu nna n ya gben. M maaŋ naŋ tiŋ n shu gba!’

Luuk 11:3

Baa sa anyi ajibi nɛ a daga kachɛ kama.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 7:22

Ma kagbene bre gbagba bee sha Ebɔrɛ be mbra na.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 4:23

A daga fanɛ men be ŋgbene nɛ nfɛra kikɛ ka ki asɔ popɔr nyam.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.