2 Kɔrintebi 4:14 - EBƆRƐ BE KAWƆL

¹⁴ Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

2 Kɔrintebi 4:14 ပူးပေါင်းရင်းမြစ်များ

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

1 Kɔrintebi 6:14

Ebɔrɛ e tiŋi Enyɛnpe ashi luwu to, mo alɛ beeŋ ta mbe eleŋ n tiŋi anyi alɛ gba ashi luwu to.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Ɛfesesebi 5:27

Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

1 Tɛsalɔnikaebi 4:14

An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso