2 Kɔrintebi 4:11 - EBƆRƐ BE KAWƆL

¹¹ Ŋkpal manɛ so, saŋkikɛ, anyi nɛ an wɔ ŋkpa to ere nɛ luwu maŋ wɔ kufɔ ŋkpal Yesu so, saŋɛ na so basa beeŋ wu mbe ŋkpa malɛ gba ashi anyi be eyurana nɛ luwu bee pɔɔ amo so ere to.

2 Kɔrintebi 4:11 ပူးပေါင်းရင်းမြစ်များ

Nshɛ 141:7

Kananɛ baa baŋɛ ndibi to wurwurbi na nɛ bumo be awibi beeŋ buri to n dese nchaŋ be nnɔ ase.

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

1 Kɔrintebi 15:31

Ŋ kurgepoana, mee kaŋɛ menyi nna fanɛ kachɛ kama mee wu nna. Kede malɛ baa kɔ kashenteŋ nna fanɛ kananɛ mee wu ma kumu ŋkpal men ka la Kristo Yesu, an Nyɛnpe peya na so.

1 Kɔrintebi 15:49

Kananɛ an daŋ baa kɔ shishɛr be esa na be kaduli anyi so na, loŋ koŋwule na nɛ anyeeŋ ba kaa kɔ esa nɛ e shi ebɔrɛso na gba be kaduli.

2 Kɔrintebi 4:10

Saŋkikɛ an kɔ Yesu be luwu nna an be eyurana to a na, saŋɛ na so Yesu na be ŋkpa gba beeŋ baa lar anyi be eyurana to a ŋini basa.

2 Kɔrintebi 4:12

Amoso, luwu wɔ anyi to nna a shuŋ nɛ ŋkpa malɛ gba wɔ menyi to a shuŋ.

2 Kɔrintebi 5:4

Ŋkpal manɛ so, an ka kraa wɔ eyur mo nɛ k du fanɛ wajɛbu ere to bre, anyee shu to nna nsaa wɔ kafɔŋ to, ŋkpal manɛ so, an maa sha fanɛ an delge so. Anyee sha fanɛ an buu anyi be ebɔrɛso be kusɔbuuso nna, saŋɛ na so ŋkpa beeŋ mur kusɔ nɛ k beeŋ wu na kikɛ nyam.

2 Kɔrintebi 6:9

B yɛ basa maŋ nyi anyi nɛ basa damta malɛ nyi anyi nɛnɛ, b yɛ anyee wu nna, ama anyi alɛ baa wɔ ŋkpa to nna a yɔ, baa gberge anyi kusoe, ama anyi alɛ maa wu.