2 Kɔrintebi 4:10 - EBƆRƐ BE KAWƆL

¹⁰ Saŋkikɛ an kɔ Yesu be luwu nna an be eyurana to a na, saŋɛ na so Yesu na be ŋkpa gba beeŋ baa lar anyi be eyurana to a ŋini basa.

2 Kɔrintebi 4:10 ပူးပေါင်းရင်းမြစ်များ

Baru lela nɛ Jɔn kute na 14:19

A ka gbrɛbi nɛ durnya ere to ebi maaŋ naŋ wu ma, ama menyi ere beeŋ wu ma, ma alɛ ka wɔ ŋkpa to ere, menyi alɛ gba beeŋ baa wɔ ŋkpa to.

Romebi 6:5

Nɛ anyi nɛ mo e baŋ ki kukoŋwule ashi mbe luwu na to, kumo ere k baa dese geeŋ nna fanɛ anyi nɛ mo beeŋ naŋ bɔla mbe ketiŋi luwu to na so m ba abar so.

Romebi 6:8

Nɛ anyi nɛ Kristo na e wu, kumo ere an yirda fanɛ anyi nɛ mo e naaŋ baa wɔ ŋkpa to.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

2 Kɔrintebi 1:5

Ŋkpal manɛ so, kananɛ an baa tu Kristo a ji mbe awurfoŋ damta na, loŋ koŋwule na nɛ anyee bɔla Kristo so a nya keleŋto damta gba.

2 Kɔrintebi 1:9

Kashenteŋto, an daa fɛ anyi be ŋgbene to nna fanɛ b ta luwu be mbra nna n ji m bri anyi. Ama le be kesheŋ ere daŋ ba loŋ nna nɛ an sa maŋ kaa yirda anyi gbagba be amu, ama anyeeŋ baa yirda Ebɔrɛ nɛ e bee tiŋi basa ashi luwu to na.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

2 Kɔrintebi 4:11

Ŋkpal manɛ so, saŋkikɛ, anyi nɛ an wɔ ŋkpa to ere nɛ luwu maŋ wɔ kufɔ ŋkpal Yesu so, saŋɛ na so basa beeŋ wu mbe ŋkpa malɛ gba ashi anyi be eyurana nɛ luwu bee pɔɔ amo so ere to.

Galeeshaebi 6:17

Ade kikɛ be kaman, esa kama e sa maŋ naŋ bar ma tɔrɔ kikɛ, ŋkpal manɛ so, Yesu be ndulgi wɔ ma eyur so nna.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

2 Timoti 2:11

Le be kamalga ere la kashenteŋ nna fanɛ, nɛ kashenteŋ nna fanɛ anyi nɛ mo e daŋ wu, kumo ere anyi nɛ mo malɛ e naaŋ baa wɔ ŋkpa to.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,