2 Kɔrintebi 2:4 - EBƆRƐ BE KAWƆL

⁴ Tɔrɔgboŋ nɛ kagbenejija to nɛ n daa wɔ n ta anishichubi damta n sibɛ menyi kawɔl na nɛ n shin nɛ men pin kananɛ mee sha menyi kikɛ nɛnɛ, mannɛ fanɛ n jija menyi be ŋgbene.

2 Kɔrintebi 2:4 ပူးပေါင်းရင်းမြစ်များ

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 2:9

Amoso nɛ n daŋ sibɛ menyi kawɔl na nɛ n wora menyi ŋ keni ŋko men kɔ kasonu ashi kusɔ kama to a.

2 Kɔrintebi 7:12

Amoso, kashenteŋ nna nɛ n sibɛ menyi kawɔl na, ama mannɛ esa nɛ e wora n da so na so ŋko esa nɛ b wora n da mo so na so nɛ n daŋ sibɛ kumo, n daŋ sibɛ kumo nna nɛ men pin ashi Ebɔrɛ be anishito fanɛ kananɛ men be ŋgbene wɔ anyi so.

Filipaiebi 3:18

Ŋkpal manɛ so, loŋ koŋwule na gbagba nɛ mee kaa kaŋɛ menyi nsaa sha kenaŋ n lɔŋɛ n ta anishichubi ŋ kaŋɛ menyi n ti so na fanɛ basa damta be kebaawɔtɔ du fanɛ b ka bee kishi Kristo be kedibi largato na be asheŋ nna.