2 Kɔrintebi 2:3 - EBƆRƐ BE KAWƆL

³ N daŋ sibɛ kawɔl na n sa menyi nna, saŋɛ na so, ŋ kaŋ ba, menyi basa nɛ baaŋ shin nɛ ma kagbene e fuli ma na maaŋ jija ma kagbene, ŋkpal manɛ so, m baa kɔ menyi kikɛ be yirda fanɛ ma kagbenefuli la menyi kikɛ be kagbenefuli nna.

2 Kɔrintebi 2:3 ပူးပေါင်းရင်းမြစ်များ

1 Kɔrintebi 4:21

Kumo nɛ menyeeŋ baa sha, ŋ ka beeŋ ta kasogberge m ba tu menyi ŋko ŋ ka beeŋ ta kasha nɛ kebaawɔtɔ nɛ k du boeŋ m ba tu menyi?

2 Kɔrintebi 1:15

Ŋkpal ŋ ka daŋ baa nyi kesheŋ ere geeŋ so, n daŋ yili kumo nna fanɛ meeŋ ba chɔrɔ menyi pɔɛŋ, saŋɛ na so menyeeŋ nu ebel ale anyɔ.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

2 Kɔrintebi 13:10

Amoso nɛ m maŋ wɔ menyi kutɔ nsaa sibɛ menyi na, saŋɛ na so, ŋ kaŋ ba, m maaŋ ta ma eleŋ nɛ Enyɛnpe ta n sa ma fanɛ n ta a chɛ menyi to nɛ men baa yɔ anishito na, mannɛ fanɛ n ta kumo n jija menyi a ŋmenyaŋ menyi na.

2 Kɔrintebi 2:9

Amoso nɛ n daŋ sibɛ menyi kawɔl na nɛ n wora menyi ŋ keni ŋko men kɔ kasonu ashi kusɔ kama to a.

2 Kɔrintebi 7:12

Amoso, kashenteŋ nna nɛ n sibɛ menyi kawɔl na, ama mannɛ esa nɛ e wora n da so na so ŋko esa nɛ b wora n da mo so na so nɛ n daŋ sibɛ kumo, n daŋ sibɛ kumo nna nɛ men pin ashi Ebɔrɛ be anishito fanɛ kananɛ men be ŋgbene wɔ anyi so.

2 Kɔrintebi 7:16

K par ma ga fanɛ meeŋ tiŋ n yirda menyi ashi ekpa kama so.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

2 Kɔrintebi 7:8

Hale nɛ kawɔl nɛ n sibɛ na daŋ jija men be ŋgbene gba, m maa kaŋɛ fanɛ n daa nyi m maŋ sibɛ kumo. Saŋko bre k daŋ wora ma kanaŋ ko, ŋkpal manɛ so, n wu fanɛ kawɔl na daŋ jija men be ŋgbene, kumo alɛ saŋɛ gbrɛbi ko nɛ k daŋ ta menyi.

2 Kɔrintebi 8:22

Esa nɛ an naŋ shuŋi n ti bumo so e la an kurgepo mo nɛ an wora ale damta ŋ keni n wu fanɛ e kɔ kagbene koŋwule be kasha ashi asheŋ damta to nna. Mo alɛ be loŋ be kagbene koŋwule be kebaawɔtɔ na naŋ wora keshi nna n ti so ŋkpal mbe yirdagboŋ nɛ k wɔ menyi so na so.

Galeeshaebi 5:10

Ama ŋ kraa kɔ tama ashi Enyɛnpe na to fanɛ men maaŋ chɛrga men be nfɛra n yɔ kakpa ko. Ma alɛ nseŋ naa nyi fanɛ Ebɔrɛ beeŋ gberge esa nɛ e kɔ menyi a wɔ kebagato to ere kusoe, e bee sha e baa du kanaŋkama.

2 Tɛsalɔnikaebi 3:4

Enyɛnpe na so an yirda menyi a nyi men ka bee wora ŋ kraa beeŋ wora asɔ nɛ anyee kaŋɛ menyi.

Failimɔn 1:21

Ŋ ka bee sibɛ kawɔl ere a sa fo ere, m baa nyi geeŋ fanɛ feeŋ wora kusɔ nɛ mee kaŋɛ fo ere, hale n wora asheŋ nɛ a chɔ loŋ gba kuraa.