2 Kɔrintebi 2:11 - EBƆRƐ BE KAWƆL

¹¹ Saŋɛ na so, Setani maaŋ nya anyi, ŋkpal manɛ so, an nyi mbe nfɛra.

2 Kɔrintebi 2:11 ပူးပေါင်းရင်းမြစ်များ

Job be kawɔl 1:11

To, fo ere e mur mbe kusɔ nɛ e kɔ kikɛ ŋ keni a, e maaŋ yili fo gbagba be anishito n shoduu fo?”

Job be kawɔl 2:3

Ndoŋ nna nɛ Enyɛnpe Ebɔrɛ na naŋ bishi mo: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to esa kama maŋ du fanɛ mo. E la esa nɛ esa maaŋ tiŋ n wu mo kulubi nna nɛ mo alɛ bee bunyaŋ Ebɔrɛ nseŋ kishi kulubi be kewora. Fo ka kule ma ekpa n ya mur mbe asɔ kikɛ, nɛ e maŋ wora shɛŋ gba na, e kraa maŋ chɛrga mbe kebaawɔtɔ to.”

Job be kawɔl 2:5

Fo ere e ta kayurnyaŋ n lɛ Job so ŋ keni, e beeŋ yili fo gbagba be anishito n shoduu fo.”

Job be kawɔl 2:9

Nɛ mbe eche ba kaŋɛ mo: “Manɛ nna nɛ fo kraŋ yirda Ebɔrɛ ashi awurfoŋ nɛ fee ji ere kikɛ to? Shoduu mo nseŋ wu nɛ k loge!”

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Luuk 22:31

Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

Ashuŋ Shunso 1:25

nɛ e baa la fo eshuŋipo a shuŋ kushuŋ nɛ Judas daa shuŋ nseŋ yige kumo n yɔ kakpa nɛ k daga mo na.”

1 Kɔrintebi 7:5

Amoso, men sa maŋ kaa mɔn abar keche nɛ kenyɛn be kedi ashi men be kebaawɔtɔ to ama men baŋ yili kumo nna fanɛ men maaŋ ba abar so yili saŋko n ya fo saŋko ŋkpal men ka bee sha keta men be nfɛra n wɔtɔ kabɔrɛkule to so. Ama kumo be loŋ be kaman men naŋ ba abar so nɛ Setani e sa maŋ kaŋ nya ekpa n fule menyi nɛ men tɔr mbe kechɔŋkeni to ŋkpal men ka maaŋ tiŋ n nyiti so.

2 Kɔrintebi 11:14

Kumo alɛ maŋ la mamachi be kesheŋ ko nna, ŋkpal manɛ so, Setani gba bee kaa wora mbe kumu fanɛ kefultoso be malaika.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 2:24

Ama menyi Tayatairaebi nɛ men ka ŋkaa maa bɛ loŋ be keŋini na so nseŋ maŋ naŋ bii asɔ nɛ beko bee tre Setani be wulo be keŋini chiŋgeliŋana na so na bre, m maaŋ naŋ ta kegben kama n ti menyi so.