2 Kɔrintebi 13:7 - EBƆRƐ BE KAWƆL

⁷ Anyee kule Ebɔrɛ nna fanɛ men sa maŋ kaŋ wora n da so kikɛ. Mannɛ ŋkpal basa ka beeŋ wu fanɛ anyee ji kɔŋkɔŋ so, ama fanɛ menyi e wora kusɔ nɛ k bɔla ekpa, hale nɛ k ba kaa du fanɛ an tɔr gba.

2 Kɔrintebi 13:7 ပူးပေါင်းရင်းမြစ်များ

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Baru lela nɛ Jɔn kute na 17:15

M maa kule fo nna fanɛ fo lara bumo ashi durnya ere to, kusɔ nɛ mee kule fo e la fanɛ fo baa kuŋ bumo ashi alubipo na kutɔ.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 12:17

Men sa maa bɛta kulubi a ka kulubi be kukɔ. Men baa wora ania a sha basa kikɛ nsaa wora bumo kelela.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 16:10

Mee chɔrɔ Apɛles nɛ e kpal Kristo so n luri kechɔŋkeni to nseŋ tiŋ n lar a yil na. Mee chɔrɔ Aristɔbules be kowu to ebi gba.

1 Kɔrintebi 11:19

Kumo alɛ la kashenteŋ nna fanɛ menyeeŋ baa kɔr abar to, saŋɛ na so, loŋ beeŋ shin nɛ basa e pin bumo nɛ b yil to nɛnɛ.

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 10:18

Ŋkpal manɛ so, mannɛ esa nɛ e bee chɔrɔ mbe kumu e kɔ ekpa, ama esa nɛ Enyɛnpe bee chɔrɔ e kɔ ekpa.

2 Kɔrintebi 13:6

Mee tama fanɛ menyeeŋ pin fanɛ anyi ere maŋ tɔr.

2 Kɔrintebi 13:8

Ŋkpal manɛ so, anyi maaŋ tiŋ n wora shɛŋ nɛ kumo nɛ kashenteŋ na maŋ la kukoŋwule. Kusɔ kama nɛ anyee wora, kashenteŋ na nɛ anyee wora a sa.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

2 Kɔrintebi 8:21

Ŋkpal manɛ so, mannɛ kusɔ nɛ k kɔ kemaŋkura ashi Ebɔrɛ be anishito nawule nɛ anyi be anishi yuu so, kusɔ nɛ k kɔ kemaŋkura dimɛdi be anishito gba nɛ anyee fin.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

2 Timoti 2:15

Wora ania ga n ta fo kumu m bɔɔ Ebɔrɛ enɔ a shuŋ mo nɛnɛ. Baa la esa nɛ e bee ŋini kashenteŋ be mmalga na kumo be ekpa so. Loŋ na fo maaŋ luri kushuŋ na be anishinyɔr to.

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.