2 Kɔrintebi 13:5 - EBƆRƐ BE KAWƆL

⁵ Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

2 Kɔrintebi 13:5 ပူးပေါင်းရင်းမြစ်များ

Nshɛ 119:59

Ŋ keni ŋ gbagba be asheŋ woraso to nɛnɛ nseŋ nase kɔnɔ fanɛ meeŋ bɛ fo mbraana so.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 26:2

Enyɛnpe Ebɔrɛ, wora ma ŋ keni; mige ma asheŋ to ŋ keni ma nfɛra to.

Nfabel 3:40

Men shin nɛ an keni anyi be asheŋ woraso to nɛnɛ nseŋ naŋ bɛta m ba Enyɛnpe Ebɔrɛ na kutɔ.

Ezikɛl 18:28

Ŋkpal b ka fɛ bumo be asheŋ wora so na be asheŋ nseŋ yige asheŋ lubi na be kewora so nɛ baaŋ ji efute.

Heegai 1:5

Menyi maŋ wu kusɔ nɛ k bee wora menyi na nna a?

Heegai 1:7

Kusɔ nɛ Enyɛnpetale Ebɔrɛ na yɛ nde: “Menyi maŋ wu kusɔ nɛ k ba nɛ le wora a?”

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Baru lela nɛ Jɔn kute na 15:4

Men baa wɔ ma to nɛ ma alɛ gba e baa wɔ menyi to. Kedibi be keyabi kama nawule maaŋ tiŋ n sɔr asɔrso ama k baa chɔɔ kedibi na gbagba so nna. Menyi alɛ gba maaŋ tiŋ n nya asɔrso kama ama men baa wɔ ma to nna.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 17:26

N ta fo ŋ ŋini bumo, ma alɛ kraa beeŋ baa wora loŋ, saŋɛ na so, kasha nɛ fo kɔ a sa ma na beeŋ baa wɔ bumo to nɛ ma alɛ gba e baa wɔ bumo to.”

Baru lela nɛ Jɔn kute na 6:56

Esa kama malɛ nɛ e we ma eyur ere nseŋ nuu ma ŋklaŋ wɔ ma to nna nɛ ma alɛ gba wɔ mo to.

Baru lela nɛ Jɔn kute na 6:6

Yesu daŋ kute nna m bishi Filip loŋ, ŋkpal manɛ so, e daa nyi kusɔ nɛ e daa sha nɛ e wora gba nseŋ bishi mo loŋ na.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 8:10

Amoso, nɛ Kristo baa wɔ menyi to, hale nɛ menyi be eyurana ere beeŋ wu ŋkpal alubi so gba, menyi be ayoyu bre kɔ ŋkpa nna, ŋkpal manɛ so, Ebɔrɛ nase kumo fanɛ menyi la belelapo nna mbe anishito.

1 Kɔrintebi 11:28

Amoso, a daga fanɛ esa e keni mbe kumu so nɛnɛ pɔɛŋ nseŋ we Enyɛnpe be bodobodo na nseŋ nuu asɔnuuso na ashi kawiebi na to.

1 Kɔrintebi 11:31

Ama nɛ an baŋ keni anyi gbagba be ŋgbene to nɛnɛ bre, anyi maaŋ luri demuji kama to.

1 Kɔrintebi 3:16

Men maŋ nyi fanɛ men la Ebɔrɛ be lambu nna nɛ Ebɔrɛ be Kiyoyu wɔ menyi to a?

1 Kɔrintebi 6:15

Men maŋ nyi fanɛ men be eyurana ere la Kristo gbagba be mba ko nna ŋko? To, k daga fanɛ n ta Kristo to be mba ko n ya chɔga sakaleche be eyur so a? Kuraa, loŋ maaŋ nya kikɛ.

1 Kɔrintebi 6:19

Men maŋ nyi fanɛ men be eyur ere la Kiyoyu Cheeŋ mo nɛ Ebɔrɛ ta mo n sa menyi nɛ e wɔ menyi to na be lambu nna a? Men maŋ wɔ men gbagba be amu nna.

1 Kɔrintebi 6:2

Men maŋ nyi fanɛ Ebɔrɛ be basa e naaŋ ba ji durnya to ebi kikɛ demu kachako a? To, nɛ menyi ka beeŋ ba ji durnya ere to ebi kikɛ demu, men maaŋ tiŋ n ji le be asheŋ wurbi ere bre a?

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

1 Kɔrintebi 9:27

Ama mee kaa kɔrfɛ ma eyur nna a shin nɛ k bee nu a sa ma, nɛ mannɛ aloŋ, meeŋ bɔ kubɔya na n sa basa nɛ ma alɛ gbagba e paŋ kɔŋkɔŋ na be keji.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Galeeshaebi 6:4

Ekama e baa keni mo gbagba be asheŋ woraso to a nyi kananɛ a du, nɛ a baa walɛ, e chɔrɔ mbe kumu. Ama e sa maa ta mbe asheŋ woraso a kesar esa pɔtɛ peya so.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

1 Timoti 2:15

Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.

2 Timoti 3:8

Kananɛ Janes nɛ Jambres daa maŋ nu n sa Mosis na gbagba chap nɛ le be benyɛn ere gba maa nu a sa kashenteŋ na. Bumo be nfɛra maŋ walɛ nɛ bumo be yirda malɛ la yirda fuloŋ.

Taites 1:13

Kashenteŋ be kamalga nna, amoso, baa fiɛ bumo so kenishipereso nɛ b baa wɔ kashenteŋ be yirda na to.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Taites 2:2

Kaŋɛ benyɛnnimuana na fanɛ b sa maa du brembreŋ. B baa kɔ nfɛra nsaa tiŋ bumo be amu nseŋ naa kɔ kashenteŋ be yirda na nɛ kasha nɛ kanyiti.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 6:8

Ama kasawule kama nɛ k bee kɔr ewidibiana nɛ ajinjɛ nawule la kasawule jiga nna, nɛ kumo alɛ maŋ de so, k beeŋ nya kɔnɔso nɛ kumo be kaman b chɔɔ kumo edɛ.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 5:9

Men baa kɔ men be yirda to kpakpa a tu mo nsaa maa sa mo kashuli, ŋkpal manɛ so, menyi alɛ gba nyi fanɛ loŋ nɛ men braana bebɛsopo ashi durnya ere to be kaplɛkama gba bee nya tɔrɔ.

Kelaraŋŋini 2:5

Men keni ketɔr gboŋgboŋi nɛ men tɔr na. Men lar men be alubi to nseŋ naa wora asheŋ nɛ men daa wora sososo na. Nɛ men baa maŋ lar men be alubi na to, meeŋ ba menyi kutɔ m ba ta men be kefitilatɔl ashi kumo be eyilikpa.