2 Kɔrintebi 13:4 - EBƆRƐ BE KAWƆL

⁴ Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

2 Kɔrintebi 13:4 ပူးပေါင်းရင်းမြစ်များ

Baru lela nɛ Jɔn kute na 10:18

Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Ashuŋ Shunso 2:36

To, menyi, Israɛlebi kikɛ men baa nyi geeŋ fanɛ Yesu koŋwule nɛ men gbir m mata kedibi largato so na nɛ Ebɔrɛ shin nɛ e ki Enyɛnpe nɛ Kristo na.”

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

Romebi 14:9

Loŋ so nɛ Kristo na wu nseŋ naŋ lar luwu to m ba na, saŋɛ na so e beeŋ baa la basa nɛ b wu nɛ bumo nɛ b kraa wɔ ŋkpa to be Enyɛnpe.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

1 Kɔrintebi 1:25

Ŋkpal manɛ so, kusɔ nɛ k bee ŋini Ebɔrɛ be kawulisheŋ kɔ kanyiasheŋ a chɔ edimɛdi be kanyiasheŋ. Kusɔ nɛ kumo alɛ bee ŋini Ebɔrɛ be kapɔshi basa be anishito kɔ eleŋ a chɔ edimɛdi be eleŋ.

1 Kɔrintebi 15:43

Kumo be kepuli to, k maŋ kɔ bunyaŋ, ama kumo be ketiŋi bre to, kumo nɛ kemaŋkura nna. Kumo be kepuli to, kapɔshi nɛ k kɔ, kumo be ketiŋi bre to, kumo nɛ eleŋ nna.

1 Kɔrintebi 2:3

Ma alɛ ka daŋ ba menyi kutɔ na, ma nɛ kapɔshi nɛ kufu nɛ kechicha damta e daŋ ba.

1 Kɔrintebi 6:14

Ebɔrɛ e tiŋi Enyɛnpe ashi luwu to, mo alɛ beeŋ ta mbe eleŋ n tiŋi anyi alɛ gba ashi luwu to.

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.