2 Kɔrintebi 13:2 - EBƆRƐ BE KAWƆL

² Naniere mee sha kenaŋ n fiɛ menyi nɛ men daŋ kewora alubi na so nna nɛ bekama malɛ nɛ b ka na so. Ma kebɔɔ menyi so nyɔsopo to nɛ n daŋ wora loŋ men be anishito, ama naniere m maŋ wɔ menyi to, ma alɛ nseŋ kraa sa menyi kumo. Kumo e la fanɛ, nɛ ŋ kaŋ ba kede to, m maaŋ yige ekama.

2 Kɔrintebi 13:2 ပူးပေါင်းရင်းမြစ်များ

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 12:14

Ma keba mo nɛ n wora shiriya nɛ m ba bɔɔ menyi so ere e naa ti ma kela sasopo so, ma alɛ maa ba nna nɛ m ba kaa dese menyi so. Ŋkpal manɛ so, mannɛ menyi be asɔ nɛ mee sha, menyi gbagba nɛ mee sha, ŋkpal manɛ so, mannɛ mbia e naa ji a ka a yili bumo nawuraana, ama bumo nawuraana bre e naa ji a ka a yili bumo.

2 Kɔrintebi 13:10

Amoso nɛ m maŋ wɔ menyi kutɔ nsaa sibɛ menyi na, saŋɛ na so, ŋ kaŋ ba, m maaŋ ta ma eleŋ nɛ Enyɛnpe ta n sa ma fanɛ n ta a chɛ menyi to nɛ men baa yɔ anishito na, mannɛ fanɛ n ta kumo n jija menyi a ŋmenyaŋ menyi na.