2 Kɔrintebi 13:11 - EBƆRƐ BE KAWƆL

¹¹ To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 13:11 ပူးပေါင်းရင်းမြစ်များ

Jɛnesis 37:4

Mo daana ka wu fanɛ bumo tuto bee sha Josɛf a chɔ bumo na nɛ b kishi mo nsaa maŋ naa malga mo kutɔ kashaso.

Jɛnesis 45:24

Ade kikɛ be kaman nɛ e sa mo daana nɛ mo sipo ekpa. B ka bee yɔ nɛ e kaŋɛ bumo: “Men sa maŋ ya kaa bile ekpa to!”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Maak 10:49

Ndoŋ nna nɛ Yesu yili ŋ kaŋɛ: “Men tre mo.” Nɛ b tre tanponyɛn na ŋ kaŋɛ mo: “Koso a kɔ kagbene, e bee tre fo.”

Maak 9:50

“Nfɔl walɛ, ama nɛ fanɛ amo be ebel baŋ lar amo to, nuso nɛ baaŋ naŋ tiŋ n wora amo ebel? Men shin nɛ men be asheŋ e baa wɔ ebel nɛ menyi nɛ men braana na e baa wɔtɔ nɛ kagbenewushi.”

Luuk 9:61

Nɛ kanyɛn ko malɛ naŋ kaŋɛ mo: “Enyɛnpe, meeŋ bɛ fo so, ama shin nɛ n ya kela ma laŋ to ebi pɔɛŋ nseŋ ba.”

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ashuŋ Shunso 18:21

Ama le nɛ e daŋ kaŋɛ bumo nseŋ pɛ ekpa: “Nɛ Ebɔrɛ shuli, meeŋ naŋ bɛta m ba menyi kutɔ.” Kede be kaman nɛ e yili Ɛfeses n luri ekuloŋgboŋ ko to m bɔla nchu so n yɔ.

Ashuŋ Shunso 23:30

Ma alɛ nu fanɛ Juwebi na bee kre mbe kemɔ be nia nna, amoso nɛ n shin nɛ b kɔ mo a ba fo kutɔ na. Ŋ kaŋɛ basa nɛ bumo nɛ mo kɔ abar na fanɛ b ba kaŋɛ fo alubi nɛ e wora.”

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Romebi 12:18

Men baa wora ania kanaŋkamaso nɛ menyeeŋ tiŋ nɛ menyi nɛ basa kikɛ e baa wɔ kagbenewushi be kebaawɔtɔ to.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 15:33

Ebɔrɛ nɛ kagbenewushi kikɛ bee shi mo kutɔ na e baa wɔ menyi kikɛ to. Amɛn.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

Ɛfesesebi 4:12

E wora loŋ nna nɛ e chɛ Ebɔrɛ be basa kikɛ to nɛ b nya eleŋ kabɔrɛshuŋana na to, saŋɛ na so loŋ beeŋ chɛ Kristo be eyur to ebi na to nɛ b nya eleŋ n yɔ anishito ashi kebɛso na to.

Ɛfesesebi 4:3

Men baa wora ania ga a kɔ kɔnɔkoŋwuleso be kebaawɔtɔ be kagbenewushi nɛ k bee shi Kiyoyu na kutɔ nsaa bar menyi abar so na to kpakpa.

Ɛfesesebi 6:23

Ebɔrɛ Etuto na nɛ Enyɛnpe Yesu Kristo e sa bekurgepoana na kagbenewushi nɛ kasha nɛ yirda.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

Filipaiebi 4:2

Yuodia nɛ Sintiki, men jande, mee kule menyi nna fanɛ men wora ania n lɔŋɛ abar a wɔtɔ fanɛ besipoche nɛ b la Enyɛnpe na peya.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Filipaiebi 4:9

Men baa kraa wora asɔ nɛ men koya ashi ma kutɔ nɛ amo nɛ ŋ ŋini menyi na nɛ amo nɛ men nu ŋko n wu ŋ ka wora na kikɛ. Saŋɛ na so Ebɔrɛ nɛ kagbenewushi wɔ mo to na beeŋ baa wɔ menyi to.

1 Tɛsalɔnikaebi 3:10

Kapa nɛ kanyɛ anyee bugi anyi be ŋgbene to nna a kule Ebɔrɛ fanɛ e shin nɛ an gbagba e wu menyi n sa menyi yirda na be kusɔ nɛ k ka.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:18

Amoso, men baa kɔ mmalga ere to a leŋ abar to.

1 Tɛsalɔnikaebi 5:13

Men baa sa bumo bunyaŋ nɛ kasha kpakpaso ŋkpal kushuŋ nɛ baa shuŋ na so. Men baa kɔ kɔnɔkoŋwule abar so.

1 Tɛsalɔnikaebi 5:16

Men baa kɔ kagbenefuli saŋkama

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

2 Tɛsalɔnikaebi 3:1

Ade kikɛ be buushi, bekurgepoana, men baa kule Ebɔrɛ a sa anyi nɛ Enyɛnpe be kubɔya na e nya manaŋ n sɔ kakpa kikɛ n nya kemaŋkura fanɛ kananɛ k daŋ wora menyi kutɔ na.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Jeems 1:4

Men baa shin nɛ men be kechɔŋkeni be eleŋ e baa yɔ anishito a wora keshi saŋkama a ti so nɛ men be eda e ba kaa walɛ nɛnɛ a maa paŋ kelela kikɛ.

1 Pita 3:11

A daga fanɛ amodoŋwura e baa lar alubi to nsaa wora alela. A daga fanɛ e baa fin kagbenewushi nsaa bɛ kumo so saŋkikɛ.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

Kelaraŋŋini 22:21

Enyɛnpe Yesu be kuwɔr be kakɛ e baa wɔ Ebɔrɛ be basa kikɛ so. Amɛn.