2 Kɔrintebi 12:7 - EBƆRƐ BE KAWƆL

⁷ Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 12:7 ပူးပေါင်းရင်းမြစ်များ

Jɛnesis 32:25

Kanyɛn na ka wu fanɛ e maa tiŋ a pɔɔ Jeekɔb so nɛ e beta Jeekɔb be kebembi nɛ mbe keleŋ kpekpel.

Jɛnesis 32:31

Epeŋi maŋ so nna pɔɛŋ nɛ e lar Peniyɛl a tɔr keleŋ so a yɔ.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

2 Kronikɛls 32:31

Babilɔn be bejuŋkparpoana ka shuŋi mbɔ fanɛ b ya bishi ewura Hɛzekaya etɔɔnɛsheŋ nɛ Ebɔrɛ sa mo na, Ebɔrɛ daŋ wora mo nna ŋ keni e bee ji kashenteŋ a sa mo nseŋ shin nɛ ewura Hɛzekaya sa bumo mo gbagba atuwebi.

Job be kawɔl 2:6

Ndoŋ nna nɛ Enyɛnpe Ebɔrɛ malɛ naŋ kaŋɛ le: “To, n nu! Feeŋ tiŋ n shin nɛ kayurnyaŋ e tɔr Job so nɛ e ji awurfoŋ kananɛ fee sha, ama sa maŋ kaŋ mɔ mo bre!”

Job be kawɔl 2:7

Nɛ Setani lar Enyɛnpe Ebɔrɛ na be anishito nseŋ ya ta achuu besa so n lɛ Job so. Yili mbe kumu so m ba fo mbe ayadra so kikɛ daŋ wora achuu nna.

Ezikɛl 28:24

Kumo be kaman, nɛ Enyɛnpe Ebɔrɛ na naŋ kaŋɛ le: “Efuliana nɛ a kulti Israɛl be basa n wɔtɔ a keni bumo jiga nsaa tege bumo na be kekama maaŋ naa la fanɛ ewi ŋko gɔŋnyaŋɛ a tɔrɔ Israɛl be basa. Ndoŋ nɛ baaŋ pin fanɛ ma, e la Enyɛnpetale Ebɔrɛ na.”

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Hoziya 2:6

Amoso meeŋ ta ewidibi n yuu n chambɔ mo n wɔtɔ nseŋ pɔr egbal malɛ ŋ kuŋ mo nɛ e maaŋ naŋ nya ekpa n lar.

Nɔmbɛs 33:55

Ama nɛ men baa maŋ ju basa nɛ b wɔ kasawule na so bre, baaŋ ki fanɛ ndubi a chute men be anishito ŋko ewi men be nle to a jɔ menyi. Baaŋ sa menyi tɔrɔ damta kasawule na so.

Matiu 26:67

Ndoŋ nna nɛ b tuu echɔl n fea mbe anishito nsaa ŋmɛa a ŋmɛa mo

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Luuk 13:16

Nɛ keni kananɛ Setani nyɔŋ kache ere to, Eebraham mo nanabi, nfɛ kuduaburwa kikɛ! Le be esa maŋ daga b ka suge mo ashi Setani be enɔ to kewushiachɛ a?”

1 Kɔrintebi 4:11

Hale m ba fo kabre, anyi nɛ akoŋ nɛ achukoŋ e na, anyi nɛ asɔ farbi e na, baa bri anyi nɛ anyi maŋ kɔ epeana a wɔtɔ.

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Ditɛronɔmi 17:20

Kumo alɛ be loŋ beeŋ naŋ shin nɛ ewura na e sa maa fɛ fanɛ e bɔ mo braana Israɛlebi na be ekama nseŋ naŋ shin nɛ e sa maŋ kini kewora Enyɛnpe Ebɔrɛ na be mbraana kasonu. Aloŋ e naaŋ shin nɛ mo nɛ mbe kaman to ebi e ji kuwura na n chɛr ashi Israɛl be efuli so.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

Demujipoana 2:3

To, mee kaŋɛ menyi nna fanɛ m maa ba nɛ m ba ju bumo ŋkpal menyi so, ama baaŋ ki men doŋana nɛ bumo be agbir malɛ e ki ajigbelɛ n sa menyi.”