2 Kɔrintebi 12:6 - EBƆRƐ BE KAWƆL

⁶ Hale nɛ n daa sha kepuchi gba n daa maaŋ baa la ewulpo, ŋkpal manɛ so, kashenteŋ nɛ n daa beeŋ baa ji. Ŋkeshin nɛ ma alɛ maaŋ wora loŋ, ŋkpal manɛ so, m maa sha fanɛ esa kama e baa fɛ nfɛragboŋ ko a sa ma a chɔ kananɛ e beeŋ bɔla ma aworbi nɛ ma mmalga to so n fɛ ma asheŋ.

2 Kɔrintebi 12:6 ပူးပေါင်းရင်းမြစ်များ

Job be kawɔl 24:25

Esa ko beeŋ tiŋ ŋ kaŋɛ fanɛ kusɔ nɛ ŋ kaŋɛ ere maaŋ la kashenteŋ a, nseŋ fɛ fanɛ k maŋ kɔ kifi to a?

Romebi 9:1

Asɔ nɛ n wɔ Kristo to a kaŋɛ ere la kashenteŋ nna, m maa fule nna nɛ Kiyoyu Cheeŋ na malɛ bee ŋini ma ashi ma kagbene to fanɛ m maa fule nna.

1 Kɔrintebi 3:5

Manɛ e la Apɔlɔs ŋko manɛ e la ma Pɔɔl? Anyi maŋ la shɛŋ, an baa la beshumpo mo nɛ men bɔla anyi so nna m ba yirda. An be ekama daŋ baa wora kushuŋ mo nɛ Ebɔrɛ ta m bɔɔ mo enɔ na nna.

2 Kɔrintebi 1:18

Kananɛ Ebɔrɛ maa chɛrga kɔnɔ na, loŋ koŋwule na nɛ anyi alɛ gba be kamalga maŋ la mm nɛ m-m be kamalga.

2 Kɔrintebi 11:16

Men shin nɛ n naŋ lɔŋɛ ŋ kaŋɛ menyi fanɛ ekama e sa maŋ kaŋ tre ma ewulpo kikɛ. Nɛ ekama nɛ e tre ma loŋ gba, amodoŋwura e baa kɔ ma to loŋ, saŋɛ na so meeŋ nya ekpa gbrɛ m puchi.

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 5:13

Ŋkpal manɛ so, nɛ an baa maa kɔ nfɛra, keshuŋ Ebɔrɛ so nɛ anyi maŋ kɔ nfɛra, nɛ anyi alɛ naa kɔ anyi be nfɛra kleembi, menyi so nɛ an kɔ amo.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.