2 Kɔrintebi 12:21 - EBƆRƐ BE KAWƆL

²¹ Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

2 Kɔrintebi 12:21 ပူးပေါင်းရင်းမြစ်များ

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Ɛzra 9:3

Ŋ ka nu loŋ be kubɔya na nɛ kpɛa ma piŋi to nseŋ gberge ma kumu so nɛ katɔl be emin n tia nseŋ chena kagbenejija to.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Ɛksodɔs 32:31

Ndoŋ nna nɛ Mosis bɛta n yɔ Enyɛnpe Ebɔrɛ kutɔ n ya kaŋɛ mo: “Kashenteŋto, basa na wora kulubi gboŋgboŋi, ŋkpal manɛ so b ta shuwa n lɔŋɛ bumo gbagba be ebɔrɛ nsaa shuŋ kumo.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 9:2

Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

2 Kɔrintebi 10:6

Nɛ men baa maa tɔr kasonu be kaplɛa so, anyi alɛ gba wora shiriya fanɛ anyeeŋ gberge kasomaanuwuraana kama kusoe.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 13:2

Naniere mee sha kenaŋ n fiɛ menyi nɛ men daŋ kewora alubi na so nna nɛ bekama malɛ nɛ b ka na so. Ma kebɔɔ menyi so nyɔsopo to nɛ n daŋ wora loŋ men be anishito, ama naniere m maŋ wɔ menyi to, ma alɛ nseŋ kraa sa menyi kumo. Kumo e la fanɛ, nɛ ŋ kaŋ ba kede to, m maaŋ yige ekama.

2 Kɔrintebi 8:24

Amoso, men ŋini bumo kasha, saŋɛ na so asɔriana na kikɛ beeŋ wu kumo geeŋ nseŋ pin fanɛ mannɛ jiga nna nɛ anyee puchi menyi so.

Galeeshaebi 5:19

Kapɔr lubi ere be asheŋ woraso malɛ baŋ dii efuli nna. Amo nde: Kesakaleasheŋ nɛ eyurpisheŋ nɛ asheŋ jiga be ashuŋ

Ditɛronɔmi 9:15

Ndoŋ nna nɛ ŋ keta ajembu peŋgeleŋ peŋgelembi anyɔ nɛ kɔnɔkoŋwule be ŋkre na deŋ so na ŋ gbelge kebeegboŋ na so. Loŋ be jemanɛ na nɛ edɛ be adondulombi bee lar kebeegboŋ na so.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Juud 1:23

Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!

1 Samuɛl 15:35

Baŋ yili kumo be saŋɛ na so kikɛ n ya fo saŋɛ so nɛ Samuɛl wu, e daa maŋ naŋ wu Sɔɔl kenishiso kikɛ. Ama Samuɛl be kagbene daŋ jija mo nna ga ŋkpal Sɔɔl so. K daŋ tɔrɔ Enyɛnpe Ebɔrɛ malɛ nna ga ŋkpal e ka daŋ ta Sɔɔl ŋ ki Israɛl be ewura so.