2 Kɔrintebi 12:14 - EBƆRƐ BE KAWƆL

¹⁴ Ma keba mo nɛ n wora shiriya nɛ m ba bɔɔ menyi so ere e naa ti ma kela sasopo so, ma alɛ maa ba nna nɛ m ba kaa dese menyi so. Ŋkpal manɛ so, mannɛ menyi be asɔ nɛ mee sha, menyi gbagba nɛ mee sha, ŋkpal manɛ so, mannɛ mbia e naa ji a ka a yili bumo nawuraana, ama bumo nawuraana bre e naa ji a ka a yili bumo.

2 Kɔrintebi 12:14 ပူးပေါင်းရင်းမြစ်များ

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 19:14

Esa beeŋ tiŋ n ji nwu nɛ amansherbi be kapetɛ; ama Enyɛnpe Ebɔrɛ nawule e naa sa eche lela.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.

1 Kɔrintebi 10:24

Esa kama e sa maa fin mo gbagba nawule be kelela, a daga fanɛ e baa fin basa pɔtɛ peya.

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 16:5

Mee fɛ kebɔla Masɛdonia be efuli so nna. Ma alɛ kaŋ yɔ ndoŋ, meeŋ ba chɔrɔ menyi.

1 Kɔrintebi 4:19

ama nɛ Enyɛnpe na shuli, m maaŋ naŋ chɛr nseŋ ba menyi kutɔ. Ma alɛ kaŋ ba, meeŋ pin eleŋ nɛ basa nɛ baa wu bumo be amu ere kɔ, mannɛ bumo be mmalga nawule.

1 Kɔrintebi 9:12

Nɛ beko baa kɔ ekpa fanɛ b baa nya le be kechɛto ashi menyi kutɔ, a maŋ daga fanɛ an baa kɔ loŋ be ekpa a chɔ bumo a? Ama anyi alɛ daa maŋ ŋini loŋ be ekpa nɛ an kɔ na. An daŋ ji kanyiti ashi kusɔ kama to nna, saŋɛ na so anyi maaŋ shin nɛ shɛŋ shɛŋ e kagle Kristo be baru lela na ekpa.

1 Kɔrintebi 9:18

To, nɛ manɛ e la ma tɔɔnɛ? Kumo nde jia: Mee bɔ kubɔya na nna nɛ n tiŋ n ta kumo n sa basa ŋkaa maaŋ sɔ bumo shɛŋ, saŋɛ na so m maaŋ ta ekpa mo nɛ ŋ kɔ ana ere a ji ashi kushuŋ na to.

1 Kɔrintebi 9:19

N wɔ ma kumu nna a maŋ la esa kikɛ be kenya, ama n ta ma kumu nna ŋ ki kenya a sa ekama, saŋɛ na so meeŋ nya basa damta n ti so nɛ b ba pin Ebɔrɛ.

2 Kɔrintebi 1:15

Ŋkpal ŋ ka daŋ baa nyi kesheŋ ere geeŋ so, n daŋ yili kumo nna fanɛ meeŋ ba chɔrɔ menyi pɔɛŋ, saŋɛ na so menyeeŋ nu ebel ale anyɔ.

2 Kɔrintebi 11:9

Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

2 Kɔrintebi 12:13

To, nɛ manɛ be kechɛto nɛ asɔriebi pɔtɛana nɛ b ka na daŋ nya nɛ menyi ere maŋ nya? Kusɔ nɛ k baa wɔtɔ e la fanɛ ma ere gbagba daa maŋ dese menyi so. Kumo alɛ be kulubi nɛ mee kule menyi fanɛ men ta m paŋ ma.

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

1 Tɛsalɔnikaebi 2:11

Men nyi fanɛ an daa ŋini menyi be ekama nna fanɛ kananɛ etuto bee ŋini mbe mbia na.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.