2 Kɔrintebi 12:11 - EBƆRƐ BE KAWƆL

¹¹ Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 12:11 ပူးပေါင်းရင်းမြစ်များ

Aŋasa 27:2

Shin nɛ basa pɔtɛ e baa kpaŋ fo, fo gbagba e sa maa kpaŋ fo kumu.

Luuk 17:10

To, menyi alɛ gba loŋ nna fanɛ, nɛ menyi baŋ wora kusɔ kama nyam nɛ b yɛ men wora n loge, men kaŋɛ le: ‘Anya fuloŋ e baa la anyi, anyi alɛ be kushuŋ nɛ k daga anyi nɛ an shuŋ na.’ ”

1 Kɔrintebi 13:2

Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.

1 Kɔrintebi 3:22

Pɔɔl ŋko Apɔlɔs ŋko Sifas ŋko durnya ŋko ŋkpa ŋko luwu ŋko asheŋ nɛ a bee wora naniere ŋko amo nɛ a beeŋ wora echefoso kikɛ nyam la menyeya nna.

2 Kɔrintebi 1:6

Nɛ an baŋ ji awurfoŋ, menyi be keleŋto nɛ kumɔlga so so nɛ an ji loŋ be awurfoŋ na. Nɛ an baa nya keleŋto, kumo ere, menyi alɛ gba beeŋ nya loŋ be keleŋto nna na. Kumo alɛ e naa shin nɛ menyee nya eleŋ nɛ men tiŋ n nyiti awurfoŋ koŋwule nɛ anyee ji na.

2 Kɔrintebi 11:1

Men jande, men ji ma kanyiti ashi ma kawulishembi ere to. Ama n nyi men ka tea wora loŋ bre.

2 Kɔrintebi 11:5

Ma alɛ bee tama fanɛ men be beshuŋipo mo nɛ baa tre beshuŋipogboŋana ere maŋ chɔ ma gbrɛ kama gba.

2 Kɔrintebi 12:12

Asɔ nɛ a bee ŋini fanɛ esa la eshuŋipo nɛ n daŋ ta kanyiti kikɛ n wora menyi to na. Asɔ na e la etɔɔnɛshuŋ nɛ emamachisheŋ nɛ asheŋ purgiase.

2 Kɔrintebi 12:6

Hale nɛ n daa sha kepuchi gba n daa maaŋ baa la ewulpo, ŋkpal manɛ so, kashenteŋ nɛ n daa beeŋ baa ji. Ŋkeshin nɛ ma alɛ maaŋ wora loŋ, ŋkpal manɛ so, m maa sha fanɛ esa kama e baa fɛ nfɛragboŋ ko a sa ma a chɔ kananɛ e beeŋ bɔla ma aworbi nɛ ma mmalga to so n fɛ ma asheŋ.

2 Kɔrintebi 3:1

To, kede bee ŋini fanɛ an naŋ fara nna a kpaŋ anyi be amu nna ŋko? Ŋko a daga fanɛ anyi alɛ gba ka naŋ nya eleŋ be nwɔl nna nɛ an ta n yɔ men kutɔ fanɛ kananɛ beko bee wora na a?

2 Kɔrintebi 5:13

Ŋkpal manɛ so, nɛ an baa maa kɔ nfɛra, keshuŋ Ebɔrɛ so nɛ anyi maŋ kɔ nfɛra, nɛ anyi alɛ naa kɔ anyi be nfɛra kleembi, menyi so nɛ an kɔ amo.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase