2 Kɔrintebi 12:10 - EBƆRƐ BE KAWƆL

¹⁰ Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Kɔrintebi 12:10 ပူးပေါင်းရင်းမြစ်များ

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

2 Kɔrintebi 10:18

Ŋkpal manɛ so, mannɛ esa nɛ e bee chɔrɔ mbe kumu e kɔ ekpa, ama esa nɛ Enyɛnpe bee chɔrɔ e kɔ ekpa.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

2 Kɔrintebi 5:15

Mo alɛ wu nna n sa ekama, saŋɛ na so, bumo nɛ b wɔ ŋkpa to na maaŋ naa wɔtɔ ŋkpal bumo gbagba be amuana so, ama baaŋ baa wɔtɔ nna ŋkpal esa nɛ e kpal bumo so n wu nɛ Ebɔrɛ tiŋi mo luwu na to na so.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Filipaiebi 1:29

Ŋkpal manɛ so, mannɛ fanɛ Ebɔrɛ sa menyi ekpa nna fanɛ men yirda Kristo na nawule, ama e ta tɔrɔ gba nna n ti yirda na so n sa menyi ŋkpal Kristo koŋwule na so.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

2 Tɛsalɔnikaebi 1:4

Amoso nɛ anyi gbagba wɔ Ebɔrɛ be asɔriana to a ji njɔŋ ŋkpal menyi so na. Men be yirda nɛ kanyiti nɛ men kɔ a wɔ awurfoŋ nɛ tɔrɔ damta ere to so nɛ anyee ji njɔŋ loŋ na.

2 Timoti 3:11

Fo alɛ kraa naa nyi etɔrɔ nɛ awurfoŋ nɛ n nya ashi Antiɔk nɛ Ikoniam nɛ Listra be asheŋ. N nyiti amo nɛ Enyɛnpe malɛ lara ma amo kikɛ to.

Jeems 1:2

Ŋ kurgepoana, saŋkama nɛ men baŋ luri kechɔŋkeni be yiri kikɛ to, men shin nɛ men be ŋgbene e baa fuli menyi.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.