2 Kɔrintebi 12:1 - EBƆRƐ BE KAWƆL

¹ A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

2 Kɔrintebi 12:1 ပူးပေါင်းရင်းမြစ်များ

Ezikɛl 11:24

Nɛ Ebɔrɛ be Kiyoyu ta ma m bɛta m ba basa nɛ ma nɛ bumo daa wɔ Babilɔn be efuli so na kutɔ ashi bɔrɛdare na to. Ndoŋ nna nɛ bɔrɛdare nɛ n daa ku na loge,

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Baru lela nɛ Jɔn kute na 16:7

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ.

Baru lela nɛ Jɔn kute na 18:14

Kayafas koŋwule na malɛ e daŋ kaŋɛ Juwebi na fanɛ nɛ esa koŋwule wu n sa basa bɔ efuli ere kikɛ ka mur na.

Ashuŋ Shunso 18:9

Kanyɛso ko Pɔɔl ku bɔrɛdare n nu Enyɛnpe ka bee kaŋɛ mo: “Sa maa lɔ kufu n yige, baa kraa malga, ŋkpal manɛ so, n wɔ fo kaman.

Ashuŋ Shunso 23:11

Kumo be kamɔnchɛ be kanyɛso nɛ Enyɛnpe ba yili Pɔɔl kutɔ nseŋ kaŋɛ mo: “Baa kɔ kenyɛn. Kananɛ fo ji ma shɛda ashi Jerusalɛm to ere nɛ fee naŋ yɔ Rom malɛ n ya wora.”

1 Kɔrintebi 10:23

Le nɛ menyi be beko bee kaa kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama malɛ e walɛ. Menyee kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama e naa yɛr esa anishito.

1 Kɔrintebi 14:6

Ŋ kurgepoana, nɛ m baŋ ba menyi kutɔ m ba kaa gbar ŋgbar mo nɛ m maa nu ŋkaa maŋ bar menyi kelaraŋŋini ko ŋko kanyiasheŋ ko ŋko kewu abɔrɛsheŋ ŋ kaŋɛ ŋko keŋini ko, mannɛ be tɔnɔ nɛ menyeeŋ nya?

1 Kɔrintebi 6:12

Menyi be beko bee kaa kaŋɛ le kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama mannɛ kusɔ kama malɛ e walɛ n sa ma. Menyee yɛ kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama ma alɛ maaŋ shin nɛ kusɔ kama e ta ma ŋ ki kumo be kenya.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 12:5

Meeŋ puchi ŋkpal le be esa so, ama m maaŋ puchi ŋkpal ma ere gbagba so she ma kapɔshi nawule be asheŋ so.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

2 Kɔrintebi 8:10

Kusɔ nɛ ma nfɛra bee sa ma ashi kesheŋ ere to nde fanɛ: Kusɔ nɛ k walɛ fanɛ men wora e la fanɛ men loge kusɔ nɛ men fara kewora kafɛnde na. Menyi e baa la bumo nɛ b baa maŋ juŋkpar n wora kusɔ na nawule, ama bumo nɛ b juŋkpar n sha kewora kumo gba.

Galeeshaebi 1:12

Mannɛ nyiŋgbasa ko kutɔ nɛ n nya kumo ŋko ŋ koya kumo. Yesu Kristo e lara kumo efuli n sa ma.

Galeeshaebi 2:2

N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

Ɛfesesebi 3:3

Kumo e la wulo be kesheŋ naseso nɛ Ebɔrɛ bugi to ŋ ŋini ma na, kumo be asheŋ nɛ n teŋ sibɛ gbrɛ n sa menyi na.

1 Tɛsalɔnikaebi 4:15

Kusɔ nɛ anyee kaŋɛ menyi ere la Enyɛnpe na be keŋini nna fanɛ kachɛ nɛ Enyɛnpe na beeŋ ba na, anyi nɛ an kraa wɔ ŋkpa to ere maaŋ juŋkpar bumo nɛ b wu na n yɔ ebɔrɛso.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.