2 Kɔrintebi 11:9 - EBƆRƐ BE KAWƆL

⁹ Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

2 Kɔrintebi 11:9 ပူးပေါင်းရင်းမြစ်များ

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

1 Kɔrintebi 16:17

Stɛfanas nɛ Fɔɔchunates nɛ Akaikɔs ka ba, ma kagbene fuli ma ga, ŋkpal manɛ so, men ka maŋ wɔ nfe ere, bumo e ba tal to.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

2 Kɔrintebi 9:12

Ŋkpal manɛ so, kushuŋ nɛ menyee wora ere maa sa Ebɔrɛ be basa asɔ nɛ a daga bumo nawule nna, ama ekpa damtaana so gba nɛ k bee shin nɛ basa bee bɔla a chɔrɔ Ebɔrɛ.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

1 Tɛsalɔnikaebi 2:6

An daa beeŋ tiŋ n shin nɛ men wora kusɔ kikɛ n sa anyi ŋkpal an ka la Yesu be beshuŋipo so, ama an daa maŋ fin mbo ashi esa kikɛ kutɔ ŋko menyi gbagba kutɔ ŋko basa pɔtɛ kutɔ.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

Hibruwebi 11:37

Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.