2 Kɔrintebi 11:31 - EBƆRƐ BE KAWƆL

³¹ Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

2 Kɔrintebi 11:31 ပူးပေါင်းရင်းမြစ်များ

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Romebi 1:25

Kashenteŋ be mmalga nɛ a bee kute Ebɔrɛ be asheŋ na nɛ b kɔ a chɛr efɛ be mmalga a wɔtɔ a bunyaŋ nsaa shuŋ Ebɔrɛ be asɔtoso nsaa yige amo be Etopo na bre, emo nɛ e daga epaŋ be kedi hale mbaanaayɔ na. Amɛn.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 15:6

Saŋɛ na so menyi kikɛ beeŋ ta ebɔl koŋwule n di Ebɔrɛ an Nyɛnpe Yesu Kristo mo Tuto na epaŋ.

Romebi 9:1

Asɔ nɛ n wɔ Kristo to a kaŋɛ ere la kashenteŋ nna, m maa fule nna nɛ Kiyoyu Cheeŋ na malɛ bee ŋini ma ashi ma kagbene to fanɛ m maa fule nna.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 1:3

Men shin nɛ an baa chɔrɔ Ebɔrɛ, an Nyɛnpe Yesu Kristo mo Tuto na. Mo e la Etuto nɛ e kɔ kuwɔr nseŋ naa la esa nɛ keleŋto kikɛ bee shi mo kutɔ na.

2 Kɔrintebi 11:11

Manɛ e ba nɛ ŋ kaŋɛ loŋ ere? Ŋ ka maa sha menyi so a? Ayai, Ebɔrɛ gba nyi ŋ ka bee sha menyi!

Galeeshaebi 1:20

Kashenteŋ nɛ mee sibɛ a ji menyi Ebɔrɛ be anishito na, m maa fule nna.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ɛfesesebi 3:14

Amoso nɛ mee gbir Etuto

Kɔlɔsiebi 1:3

Saŋkama nɛ anyee kule Ebɔrɛ a sa menyi, anyee chɔrɔ Ebɔrɛ, an Nyɛnpe Yesu mo Tuto na nna,

1 Tɛsalɔnikaebi 2:5

Men baa nyi geeŋ fanɛ an ka daŋ ba menyi kutɔ na, mannɛ kafule be mmalga nɛ an daŋ bar. Menyi alɛ naa nyi fanɛ an maŋ ta mmalga tenteŋ nna m buu anyi be kajɛ so. Ebɔrɛ e la anyi be shɛdajipo.

1 Timoti 1:11

Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.