2 Kɔrintebi 10:7 - EBƆRƐ BE KAWƆL

⁷ Asheŋ be kaman nɛ menyi ere bee keni, ama esa kama nɛ e baa nyi geeŋ fanɛ e la Kristo peya nna, amodoŋwura na e baa nyi fanɛ kananɛ e baa la Kristo peya na, loŋ nɛ anyi alɛ gba la mo peya.

2 Kɔrintebi 10:7 ပူးပေါင်းရင်းမြစ်များ

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Baru lela nɛ Jɔn kute na 7:24

Men sa maa yili basa be asheŋ nɛ menyee wu kenishiso so a ji bumo demu, men baa ji kashenteŋ be demu.”

1 Kɔrintebi 1:12

Kusɔ nɛ mee ber e la fanɛ men wɔtɔ nna a kaŋɛ abar le: “Pɔɔl nɛ ma ere bɛ so,” nɛ ede kaŋɛ: “Apɔlɔs nɛ ma ere bɛ so,” nɛ ede malɛ e kaŋɛ: “Sifas nɛ ma ere bɛ so,” nɛ eko malɛ e kaŋɛ: “Kristo nɛ ma ere bɛ so.”

1 Kɔrintebi 14:37

Ekama nɛ e bee fɛ fanɛ abɔrɛsheŋ be ewuŋkaŋɛpo e la mo ŋko fanɛ e la kiyoyu to be esa nna e baa nyi fanɛ kusɔ nɛ mee sibɛ a sa menyi ere la kamalga naseso mo nɛ k shi Enyɛnpe kutɔ nna.

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

1 Kɔrintebi 3:23

Nɛ menyi alɛ la Kristo peya nɛ Kristo malɛ la Ebɔrɛ peya.

1 Kɔrintebi 9:1

Men shin nɛ an bishi menyi kusɔ ko. M maŋ wɔ ma kumu nna a? Mannɛ eshuŋipo e la ma a? M maŋ naŋ wu an Nyɛnpe Yesu nna a? Mannɛ menyi e la kushuŋ nɛ mee shuŋ a sa Enyɛnpe na be tɔɔnɛ a?

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 11:18

Ŋkpal manɛ so, kananɛ basa damta baa kɔ durnya be asɔ a puchi na, loŋ koŋwule na nɛ ma alɛ gba beeŋ puchi.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 11:4

Ŋkpal manɛ so, esa baŋ ba men kutɔ m ba malga Yesu pɔtɛ ko nɛ e maŋ la Yesu mo nɛ an malga mbe asheŋ na malɛ be asheŋ ŋko nɛ men baŋ nya kiyoyu pɔtɛ ko nɛ e maŋ la emo nɛ men daŋ nya na nna ŋko baru lela pɔtɛ ko nna nɛ k maŋ la kumo nɛ men daŋ sɔ na, menyee sɔ kumo nna manaŋ manaŋ.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 13:3

Ŋkpal manɛ so, men yɛ menyee sha kepin fanɛ Kristo e naa malga ma to. E maŋ la epɔsopo a shuŋ menyi to, e la elempo nna.

2 Kɔrintebi 5:12

To, kede bee ŋini fanɛ an naa sha kekpaŋ anyi be amu nna n sa menyi ŋko? Ayai, kusɔ nɛ anyee wora e la fanɛ anyee sa menyi ekpa nna nɛ men kpal anyi so n ji njɔŋ. Saŋɛ na so, menyeeŋ tiŋ n nya kusɔ ko ŋ kaŋɛ basa nɛ baa keni dimɛdi be eyilikpa nawule so a ji njɔŋ nsaa maa keni kusɔ nɛ k wɔ kagbene to na.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

1 Jɔn 4:6

Anyi ere la Ebɔrɛ be basa nna, ekama malɛ nɛ e nyi Ebɔrɛ bee nu anyi be mmalga nna. Ama ekama malɛ nɛ e maŋ la Ebɔrɛ peya maa nu kusɔ nɛ anyee kaŋɛ. Loŋ malɛ nɛ anyee ta a pin kashenteŋ be Kiyoyu na nɛ efɛ be kiyoyu na to.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”