2 Kɔrintebi 10:18 - EBƆRƐ BE KAWƆL

¹⁸ Ŋkpal manɛ so, mannɛ esa nɛ e bee chɔrɔ mbe kumu e kɔ ekpa, ama esa nɛ Enyɛnpe bee chɔrɔ e kɔ ekpa.

2 Kɔrintebi 10:18 ပူးပေါင်းရင်းမြစ်များ

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Aŋasa 21:2

Dimɛdi be aworbi beeŋ tiŋ m par mo, ama Enyɛnpe Ebɔrɛ e nyi esa be kagbene to.

Aŋasa 27:2

Shin nɛ basa pɔtɛ e baa kpaŋ fo, fo gbagba e sa maa kpaŋ fo kumu.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Baru lela nɛ Jɔn kute na 12:43

Bumo alɛ ka daa sha mbo ashi basa kutɔ a chɔ Ebɔrɛ kutɔ na so e shin nɛ b daa wora loŋ.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Romebi 14:18

Ŋkpal manɛ so, ekama nɛ e bee shuŋ Kristo le be ekpa so be kebaawɔtɔ bee par Ebɔrɛ nna nɛ basa pɔtɛ gba e ji mbe kebaawɔtɔ lela na be shɛda n sa abar.

Romebi 16:10

Mee chɔrɔ Apɛles nɛ e kpal Kristo so n luri kechɔŋkeni to nseŋ tiŋ n lar a yil na. Mee chɔrɔ Aristɔbules be kowu to ebi gba.

Romebi 2:29

Kashenteŋto, dimɛdi be kebaawɔtɔ to e naa ŋini e ka la Juw nɛ kashenteŋ malɛ be keku na la kagbene to be kesheŋ, Ebɔrɛ be asheŋ nna, mannɛ kenishiso be asheŋ nna. Nɛ esa nɛ e ku loŋ na malɛ be kechɔrɔ bee shi Ebɔrɛ kutɔ nna, mannɛ nyiŋgbasa kutɔ.

1 Kɔrintebi 11:19

Kumo alɛ la kashenteŋ nna fanɛ menyeeŋ baa kɔr abar to, saŋɛ na so, loŋ beeŋ shin nɛ basa e pin bumo nɛ b yil to nɛnɛ.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 10:12

Mannɛ fanɛ anyee nya kagbene nna a kaŋɛ fanɛ anyi nɛ bumo nɛ baa maŋ bumo be amu so gba na e sa. Anyi alɛ maa ta anyi be amu nna a ber bumo. Kananɛ b kɔ abar a keni kananɛ b sasaana ere nsaa kɔ abar a ber abar le ere e naa ŋini fanɛ b maŋ nyi asheŋ.

2 Kɔrintebi 13:7

Anyee kule Ebɔrɛ nna fanɛ men sa maŋ kaŋ wora n da so kikɛ. Mannɛ ŋkpal basa ka beeŋ wu fanɛ anyee ji kɔŋkɔŋ so, ama fanɛ menyi e wora kusɔ nɛ k bɔla ekpa, hale nɛ k ba kaa du fanɛ an tɔr gba.

2 Kɔrintebi 3:1

To, kede bee ŋini fanɛ an naŋ fara nna a kpaŋ anyi be amu nna ŋko? Ŋko a daga fanɛ anyi alɛ gba ka naŋ nya eleŋ be nwɔl nna nɛ an ta n yɔ men kutɔ fanɛ kananɛ beko bee wora na a?

2 Kɔrintebi 5:12

To, kede bee ŋini fanɛ an naa sha kekpaŋ anyi be amu nna n sa menyi ŋko? Ayai, kusɔ nɛ anyee wora e la fanɛ anyee sa menyi ekpa nna nɛ men kpal anyi so n ji njɔŋ. Saŋɛ na so, menyeeŋ tiŋ n nya kusɔ ko ŋ kaŋɛ basa nɛ baa keni dimɛdi be eyilikpa nawule so a ji njɔŋ nsaa maa keni kusɔ nɛ k wɔ kagbene to na.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

2 Timoti 2:15

Wora ania ga n ta fo kumu m bɔɔ Ebɔrɛ enɔ a shuŋ mo nɛnɛ. Baa la esa nɛ e bee ŋini kashenteŋ be mmalga na kumo be ekpa so. Loŋ na fo maaŋ luri kushuŋ na be anishinyɔr to.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.