2 Kɔrintebi 10:17 - EBƆRƐ BE KAWƆL

¹⁷ Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee puchi, e puchi Enyɛnpe nawule so.”

2 Kɔrintebi 10:17 ပူးပေါင်းရင်းမြစ်များ

Nshɛ 105:3

Men baa ji eyur nsaa bunyaŋ mbe ketre cheembi na ashi men be ŋgbene to kikɛ.

Nshɛ 106:5

Shin nɛ n ti fo basa laraso so n nyalɛ, saŋɛ na so ma alɛ gba beeŋ ji eyur fanɛ kananɛ baa ji eyur kagbenefuliso ŋkpal b ka la fo basa so na.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

1 Kɔrintebi 1:29

nɛ esa kikɛ e sa maŋ tiŋ m puchi ashi Ebɔrɛ be anishito.

1 Kɔrintebi 1:31

Loŋ malɛ nɛ abɔrɛsibɛ na kaŋɛ na fanɛ: “Esa kama nɛ e bee sha kepuchi, e baa puchi Enyɛnpe na so.”

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.