2 Kɔrintebi 10:13 - EBƆRƐ BE KAWƆL

¹³ Ama anyi ere maaŋ ji njɔŋ m baŋ kananɛ k daga so. Kakpa nɛ Ebɔrɛ sa anyi eleŋ n ya fo nɛ anyee tar nɛ an tiŋ n fo menyi.

2 Kɔrintebi 10:13 ပူးပေါင်းရင်းမြစ်များ

Nshɛ 19:4

ama durnya to ebi kikɛ bee wu kusɔ nɛ a bee ŋini saŋkama nna. Ebɔrɛ wora awɔlpa nna fanɛ wajɛbu n sa epeŋi.

Aŋasa 25:14

Esa nɛ e bee nase kɔnɔ nsaa maa tia kumo du fanɛ kuwɔlpa nɛ k maa bar bɔrɛ nna.

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Matiu 25:15

E daŋ ta amansherbi ebɔtɛ anu nna n sa bumo be eko nseŋ ta ebɔtɛ anyɔ n sa ede nseŋ ta bɔtɛ koŋwule n sa ede malɛ. Kananɛ ekama beeŋ tiŋ ŋ keni so nɛ e daŋ sa mo. Kumo be kaman nɛ e pɛ mbe enite na to be ekpa.

Romebi 10:18

Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

Romebi 12:3

Ŋkpal Ebɔrɛ be kuwɔr be kakɛ nɛ e sa ma so, mee kaŋɛ menyi be ekama nna fanɛ e sa maa maŋ mbe kumu so a chɔ kananɛ e baa du. Ama men baa fɛ bebɔlpo be nfɛra a sa menyi be amu a kɔ loŋ be nfɛra na a yuu kananɛ yirda nɛ Ebɔrɛ sa ekama na sa so.

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

Romebi 15:20

Kusɔ nɛ m baŋ yili ma kagbene to fanɛ meeŋ baa wora e la fanɛ saŋkikɛ m baa bɔ baru lela na a sa basa nɛ b wɔ mboŋ nɛ ndoŋebi maŋ naŋ nu Kristo na be asheŋ kikɛ na, saŋɛ na so, m maaŋ baa du fanɛ esa nɛ e bee pɔr egbal a yuu esa pɔtɛ ko be gbaltɔlase so.

1 Kɔrintebi 12:11

Ade malɛ kikɛ Kiyoyu koŋwule na gbagba e naa sa amo, mo e naa sa basa ŋkɛ na be kekama kanaŋkamaso nɛ e bee sha.

Ɛfesesebi 4:7

Kashenteŋ nna fanɛ e wɔ anyi kikɛ to, ama e sa anyi be ekama kuwɔr be kakɛ nɛ k sa fanɛ kananɛ Kristo na yili kumo fanɛ k baa sa na.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.