2 Kɔrintebi 10:1 - EBƆRƐ BE KAWƆL

¹ Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 10:1 ပူးပေါင်းရင်းမြစ်များ

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 21:5

“Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Ashuŋ Shunso 8:32

Abɔrɛsibɛ na to be kakpa nɛ e daa kraŋ na nde: “E daa du fanɛ kubolpɔ nɛ b kɔ a yɔ nɛ b ya teŋ nna. E daa du fanɛ kpakpafɔlbi nɛ baa ku kumo be afuibi nɛ k la to boeŋ nna. E daa maŋ kaŋɛ shɛŋ.

Romebi 10:20

Ama anebi Aizaaya ji kenyɛn a chɔ loŋ ŋ kaŋɛ fanɛ le nɛ Ebɔrɛ yɛ: “Basa nɛ b daa maa fin ma e bante ma nɛ n lara ma kumu ŋ ŋini basa nɛ b daa maa bishi ma asheŋ.”

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 15:15

Ama kawɔl ere to m malga asheŋ ko nɛ amo be ekpa so n sa menyi fanɛ ŋ ka bee nyiŋi menyi amo be asheŋ na. N nya kenyɛn nna m malga amo kikɛ ŋkpal kuwɔr nɛ Ebɔrɛ wu ma n shin nɛ ŋ ki Yesu Kristo be kenya a shuŋ a sa nnyamase na so.

1 Kɔrintebi 2:3

Ma alɛ ka daŋ ba menyi kutɔ na, ma nɛ kapɔshi nɛ kufu nɛ kechicha damta e daŋ ba.

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

1 Kɔrintebi 4:21

Kumo nɛ menyeeŋ baa sha, ŋ ka beeŋ ta kasogberge m ba tu menyi ŋko ŋ ka beeŋ ta kasha nɛ kebaawɔtɔ nɛ k du boeŋ m ba tu menyi?

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 10:2

Men jande, men sa maŋ shin nɛ ŋ kaŋ ba nɛ m ba ŋini menyi ma kenyɛn fanɛ kananɛ m baa nyi geeŋ fanɛ meeŋ ŋini basa nɛ baa fɛ fanɛ durnya ere to be ekpaana so nɛ an kɔ a wora asheŋ na.

2 Kɔrintebi 10:7

Asheŋ be kaman nɛ menyi ere bee keni, ama esa kama nɛ e baa nyi geeŋ fanɛ e la Kristo peya nna, amodoŋwura na e baa nyi fanɛ kananɛ e baa la Kristo peya na, loŋ nɛ anyi alɛ gba la mo peya.

2 Kɔrintebi 11:21

Kashenteŋto, n shuli kejija fanɛ anyi ere ka daa maŋ tiŋ n nya kagbene n wora loŋ. Ama kusɔ kama nɛ esa kama beeŋ tiŋ n nya kagbene m puchi kumo so, mee malga fanɛ ewulpo nna na, ma alɛ gba beeŋ tiŋ n nya kagbene m puchi loŋ!

2 Kɔrintebi 11:30

Nɛ k ba fanɛ m puchi, asɔ nɛ a bee ŋini ma kapɔshi so nɛ mee puchi.

2 Kɔrintebi 12:5

Meeŋ puchi ŋkpal le be esa so, ama m maaŋ puchi ŋkpal ma ere gbagba so she ma kapɔshi nawule be asheŋ so.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Galeeshaebi 5:2

Men nu nfe. Ma Pɔɔl e naa kaŋɛ menyi na fanɛ nɛ men bɛ mbra na so n shin nɛ b ku menyi atutu, Kristo na maaŋ baa la shɛŋ n sa menyi.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

2 Tɛsalɔnikaebi 3:17

Ma Pɔɔl gbagba be enɔ to be kechɔrɔ be kasibɛ nde. Kananɛ mee dulgi ma nwɔl kikɛ nna na. Loŋ nɛ mee sibɛ.

Failimɔn 1:19

Ma Pɔɔl gbagba e naa ta ma enɔ a sibɛ fo kede ere a kaŋɛ fo le na fanɛ meeŋ ka loŋ be kukɔ kikɛ, ma alɛ maaŋ bishi fo kɔnɔ kikɛ fanɛ fo alɛ gba ji ma kukɔ nna ŋkpal fo ŋkpa ere so.

Failimɔn 1:9

ama kasha so nɛ ma Pɔɔl bel le nseŋ naa wɔ kabuti to ŋkpal Kristo Yesu so

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.