2 Kɔrintebi 1:19 - EBƆRƐ BE KAWƆL

¹⁹ Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

2 Kɔrintebi 1:19 ပူးပေါင်းရင်းမြစ်များ

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Matiu 27:40

“Fo yɛ feeŋ bure bɔrɛlambu na nseŋ pɔr kumo nchɛ asa be kefɛato. To, mɔlga fo kumu ai! Nɛ fo la Ebɔrɛ Pibinyɛn nna, fo shi kedibi largato ere so ŋ gbelge.”

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Maak 1:1

Yesu Kristo, Ebɔrɛ Pibi be baru lela nde.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Baru lela nɛ Jɔn kute na 1:34

Ma alɛ wu nsaa ji shɛda fanɛ mo e la Ebɔrɛ Pibinyɛn na.”

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 19:7

Nɛ Juwebi na naŋ kaŋɛ mo: “An kɔ mbra ko nɛ k bee ŋini fanɛ a daga kanyɛn ere ka wu ŋkpal e ka bee tre mbe kumu Ebɔrɛ Pibinyɛn so.”

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 6:69

To, nɛ wanɛ malɛ kutɔ nɛ anyeeŋ naŋ yɔ? Anyi ere yirda nsaa nyi fanɛ fo e la Ebɔrɛ be Esa cheembi na.”

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

Ashuŋ Shunso 15:22

Ndoŋ nna nɛ beshuŋipo na nɛ benimuana na nɛ asɔriebi na kikɛ wora kɔnɔkoŋwule fanɛ b lara katuŋ na to be basa ko n shuŋi bumo nɛ Pɔɔl nɛ Baanabas Antiɔk. Judas nɛ baa tre Baasabas na nɛ Sailas nɛ b daŋ lara. Bumo benyɔ na daa la basa nɛ bekurgepoana na kikɛ daa sa bunyaŋ nna.

Ashuŋ Shunso 16:1

Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Ashuŋ Shunso 9:20

nseŋ yɔ nshɛrbuana to epul na to n ya fara a bɔ kubɔya na a kaŋɛ Yesu be asheŋ a kaŋɛ: “Mo e la Ebɔrɛ Pibinyɛn na.”

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 1:11

Kachako esa maaŋ naŋ wu amo kikɛ, ama fo alɛ beeŋ ka a wɔtɔ. Amo kikɛ beeŋ ki adra fanɛ asɔbuuso na.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

2 Pita 1:17

Ebɔrɛ Etuto na daŋ sa mo bunyaŋ nɛ kemaŋkura na saŋɛ nɛ ebɔl na daŋ shi Kemaŋkuraana kikɛ to be kakpa m ba kaŋɛ le na: “Ŋ gbagba Pibinyɛn shaso nɛ ma kagbene fuli mo so nde.”

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

2 Jɔn 1:9

Esa kama nɛ e maa shir a wɔ Kristo be keŋini na to nsaa ta asheŋ a ti amo so, maŋ kɔ Ebɔrɛ mo to. Ama ekama nɛ e shir a wɔ Kristo be keŋini na to, kɔ Etuto na nɛ Ebinyɛn na kikɛ mo to.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.