2 Kɔrintebi 1:1 - EBƆRƐ BE KAWƆL

¹ Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 1:1 ပူးပေါင်းရင်းမြစ်များ

Ashuŋ Shunso 16:1

Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

Romebi 16:21

Timoti nɛ e la m barkasa eshumpo na nɛ Lusias nɛ Jeesɔn nɛ Sosipata nɛ b la n niopibi Juwebi na bee chɔrɔ menyi.

Romebi 16:5

Mee chɔrɔ asɔriebi nɛ baa shɛr le be basa koŋwule ere pe na gba. Mee chɔrɔ n teri lela Epainites nɛ e baŋ juŋkpar m ba ta mbe yirda n deŋi Kristo so ashi Eeshia be kasawule so na gba.

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.

1 Kɔrintebi 16:15

Bekurgepoana, men nyi fanɛ Stɛfanas nɛ mbe kowu to ebi e la bekurgepo juŋkparsoana ashi Akaya be kasawule so, bumo alɛ ta bumo be amu kikɛ nna a shuŋ Ebɔrɛ be basa laraso.

1 Kɔrintebi 16:24

Ma kasha e baa wɔ menyi kikɛ so ashi Kristo Yesu to. Amɛn.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 11:10

Kananɛ Kristo be kashenteŋ baa wɔ ma to ere bre, esa kama maŋ wɔ Akaya be kasawule so kikɛ nɛ e lo ma kɔnɔ fanɛ n sa maŋ ji njɔŋ mo nɛ mee ji ere.

2 Kɔrintebi 9:2

Ŋkpal manɛ so, n nyi kananɛ men bugi kagbene a sha kechɛto, ma alɛ bee ji men be loŋ be njɔŋ a sa Masɛdoniaebi a kaŋɛ bumo fanɛ kafɛnde kikɛ nɛ menyi nɛ men wɔ Akaya ere fara n wora shiriya. Loŋ be kagbene koŋwule be kushuŋ malɛ sa galeŋga nfɛra nɛ b fara a wora kusɔ ko.

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

1 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

2 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso nɛ ŋkpal kɔnɔ nɛ Ebɔrɛ nase ŋ kaŋɛ fanɛ e beeŋ sa basa nɛ b yirda Kristo Yesu ŋkpa na so kutɔ nna

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Failimɔn 1:1

Kawɔl ere shi ma, Pɔɔl nɛ n wɔ kabuti to ŋkpal Kristo Yesu so nɛ an kurgepo Timoti kutɔ nna a yɔ an teri lela nɛ an barkasa eshumpo Failimɔn

Hibruwebi 13:23

Mee sha fanɛ men pin fanɛ b lara an kurgepo Timoti ashi kabuti to. Amoso, nɛ e kaŋ wule m ba nfe, ma nɛ mo e naaŋ ba wu menyi.