1 Timoti 6:9 - EBƆRƐ BE KAWƆL

⁹ Ama basa nɛ baa sha kedii dama bee luri kechɔŋkeni to nna n tɔr kawulisheŋ nɛ ayɛlgasɔ damta be kejigbelɛ to nɛ a doro bumo m mur bumo.

1 Timoti 6:9 ပူးပေါင်းရင်းမြစ်များ

1 Bewura 21:6

Nɛ e yɛ: “Ŋkpal ŋ ka kaŋɛ Nabɔf fanɛ e fa mbe asɔrso be kudɔ n sa ma ŋko e shin nɛ n ta kuko n chɛr mo kumo, nɛ e kaŋɛ ma fanɛ e maaŋ sa ma kumo na so!”

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Aŋasa 20:21

Fo baa maŋ gben pɔɛŋ nseŋ dii dama, fo asɔ na maa chɛr nsaa mur.

Aŋasa 21:6

Kebirkɔshi be kanya maa chɛr nsaa mur, amo alɛ maa chɛr nsaa yɛr esa luwu to.

Aŋasa 22:16

Basa nɛ baa puni betirpo a dii dama na, nɛ bumo nɛ baa kɛ damawuraana asɔ na, beeŋ ki betirpo.

Aŋasa 23:4

Sa maa mɔ fo kumu a fin kedii dama. Ba nyi fo eleŋ be ekar.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Zakareya 11:5

Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”

Nɔmbɛs 31:8

n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 19:22

Kanyɛn na ka nu loŋ nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Matiu 26:15

n ya bishi bumo le: “Nɛ n nya mo m bɔɔ menyi enɔ, manɛ nɛ menyeeŋ sa ma?” Ndoŋ nna nɛ b karga egbiti be ndarbi adesa n sa mo.

Matiu 6:19

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Luuk 12:21

Nɛ Yesu kaŋɛ: “To, kusɔ nɛ k beeŋ nya basa nɛ b maŋ kɔ shɛŋ Ebɔrɛ be anishito nsaa wɔtɔ a chala asɔ a sa bumo be amu nna na.”

Luuk 21:35

Ŋkpal manɛ so, kachɛ na beeŋ ba durnyaebi kikɛ so nyam.

Ashuŋ Shunso 8:20

Nɛ Pita kaŋɛ mo: “Fo nɛ fo amansherbi ere beeŋ mur, ŋkpal fo ka bee fɛ ketɔ Ebɔrɛ be kakɛ so.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

1 Timoti 3:7

A daga fanɛ loŋ be enimu e baa kɔ ketre basa pɔtɛ nɛ b maŋ wɔ asɔri to na to, nɛ mannɛ aloŋ, e beeŋ nya ketre lubi nseŋ tɔr Setani be kejigbelɛ to n wora alubi.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

2 Timoti 2:26

nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.