1 Timoti 6:4 - EBƆRƐ BE KAWƆL

⁴ Loŋ be esa bee kaa ta mbe kasha kikɛ nna a wɔtɔ emɔrɔ be keji to nsaa kpal mmalga so a bile. Asheŋ ere kikɛ malɛ e naa bar yurkishi nɛ kolu nɛ basa be kebaatege abar nɛ kebirkɔnshi be kebaawora abar basa to

1 Timoti 6:4 ပူးပေါင်းရင်းမြစ်များ

Aŋasa 13:7

Basa ko bee ta bumo be amu nna fanɛ damawuraana, ama bumo alɛ maŋ kɔ shɛŋ. Beko malɛ bee ta bumo be amu nna fanɛ betirpo, bumo alɛ nsaa la damawuraana kashenteŋto.

Aŋasa 25:14

Esa nɛ e bee nase kɔnɔ nsaa maa tia kumo du fanɛ kuwɔlpa nɛ k maa bar bɔrɛ nna.

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aizaaya 58:4

Menyi be ekishi bee shin nɛ menyee ki nyaŋnyaŋ nna nɛ menyee bile a tege abar nsaa bri abar. Men tama fanɛ le be ekishi beeŋ tiŋ n shin nɛ n nu menyi be kabɔrɛkule a?

Ashuŋ Shunso 15:2

Ndoŋ nna nɛ b kpal loŋ so n ji Pɔɔl nɛ Baanabas emɔrɔ kpakpaso ga nseŋ yili kumo fanɛ Pɔɔl nɛ Baanabas nɛ Antiɔk be basa na be beko e yɔ Jerusalɛm nɛ bumo nɛ beshuŋipo na nɛ benimuana na e ya malga demu na be asheŋ.

Ashuŋ Shunso 18:15

Ama k ka la mmalga nɛ atre nɛ menyi be mbraana be asheŋ ere bre, menyi gbagba e ji kumo kumo be ekpa so. M maaŋ ji loŋ be asheŋ be demu.”

Ashuŋ Shunso 8:9

Jemanɛ na so malɛ kikɛ nɛ kanyɛn ko nɛ baa tre Saimɔn daa kɔ ŋkilgi be kudur a wɔ Samɛria be kade na to a wora emamachisheŋ a shin nɛ Samɛriaebi na be nnɔ daa mɔ bumo ga. E daa tre mbe kumu esagboŋ ko nna.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 14:1

Men baa sɔ ekama nɛ e maŋ kɔ eleŋ ashi yirda na to na a wɔtɔ menyi to, ama menyi nɛ mo e sa maa ji emɔrɔ a yɔ mbe asheŋ fɛso be kaplɛa so.

Romebi 2:8

Ama bumo nɛ b wɔ bumo gbagba be aparsheŋ to a kini kashenteŋ na be kebɛso nsaa bɛ alubi so na, Ebɔrɛ be kagbene beeŋ kaa nɛ mbe agbo e ba bumo so.

1 Kɔrintebi 11:16

To, kusɔ nɛ ŋ kaŋɛ ere, nɛ esa kama nɛ e bee sha keji kumo emɔrɔ, kusɔ nɛ mee kaŋɛ amodoŋwura e la fanɛ kusɔ nɛ anyi nɛ Ebɔrɛ be asɔriana na to ebi kikɛ bee bɛ so nna na.

1 Kɔrintebi 11:18

Kusɔ nɛ k juŋkpar nde: N nu fanɛ men baŋ shɛr fanɛ asɔri, men kɔ kebargatoana nna menyi to, ma alɛ yirda kumo ashi ekpa ko so.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

1 Kɔrintebi 3:3

Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

Galeeshaebi 5:15

Ama nɛ men baa wɔtɔ a bile a wɔtɔ abar ebesa to bre, men baa da so, nɛ mannɛ aloŋ menyeeŋ mur abar cheche.

Galeeshaebi 5:26

Men sa maŋ shin nɛ an baa kɔ kamoowu ŋko a ta abar a wɔtɔ agbo to ŋko a besa abar eyur.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Filipaiebi 1:15

Kashenteŋ nna fanɛ basa nɛ baa bɔ kubɔya na be beko bee bɔ kumo nna ŋkpal kayurbesa nɛ kolusha so, ama beko bugi bumo be ŋgbene kikɛ nna a bɔ kumo kelela so.

Filipaiebi 2:14

Men baa shuŋ ashuŋ kikɛ nsaa maa bile asheŋ ŋko a ji emɔrɔ.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

1 Timoti 1:4

Shin nɛ b lar ablɔmbi fuloŋ nɛ kakurge to be mmalga tenteŋana na to. Loŋ be mmalga bee bar emɔrɔ nna a maa ŋini kabɔrɛbɛso nɛ k bee shi yirda to na.

1 Timoti 1:7

Baa sha kebaala mbra na be beŋinipo nna, ama b maa pin bumo gbagba be mmalga na nɛ asɔ nɛ b kɔ a malga kenyiso na to.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

2 Timoti 2:14

Baa ŋini fo basa asheŋ ere nseŋ fiɛ bumo so kpakpa Ebɔrɛ be anishito fanɛ b lar mmalga koko be emɔrɔana be nlu to, ŋkpal manɛ so, loŋ be nlu maŋ kɔ kechɛto kikɛ amo to, a bee mur basa nɛ baa nu amo nna.

2 Timoti 2:23

Baa gelge kawuliso nɛ chilchil be emɔrɔ fuloŋ, ŋkpal manɛ so, fo nyi a ka bee bar nlu.

2 Timoti 3:4

Baaŋ ba kaa la bedebɔrpoana nɛ basa brembreŋ nseŋ ta kamoowu m bɔlɔ bumo to nsaa sha durnya ere to be ebel a chɔ Ebɔrɛ.

Taites 3:9

Ama baa gelge kawuliso be emɔrɔ nɛ kekurgeso be mmalga nɛ nlu. Fo alɛ e sa maŋ naŋ kpal mbra na so a wɔ kɔnɔgberge to, ŋkpal manɛ so, amo kikɛ la asheŋ fuloŋ nna a maŋ kɔ tɔnɔ.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

2 Pita 2:12

Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

Kelaraŋŋini 3:17

Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.