1 Timoti 6:1 - EBƆRƐ BE KAWƆL

¹ A daga fanɛ anya kikɛ e baa sa bumo nyɛnpeana bunyaŋ kikɛ nɛ k daga nɛ basa pɔtɛ e sa maŋ nya ekpa m malga kulubi kikɛ ŋ gbiti Ebɔrɛ be ketre ŋko anyi be keŋini na.

1 Timoti 6:1 ပူးပေါင်းရင်းမြစ်များ

Jɛnesis 16:9

Nɛ Enyɛnpe be malaika na kaŋɛ mo: “Bɛta n yɔ mo kutɔ n ya ka la mbe kebita.”

Jɛnesis 24:12

Kumo be kaman nɛ e kule Ebɔrɛ ŋ kaŋɛ: “O, Enyɛnpe, n nyɛnpe Eebraham be Ebɔrɛ, sa ma kumulela kabre n wora n nyɛnpe Eebraham kelela.

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

2 Samuɛl 12:14

Ama ŋkpal fo ka maŋ keni Enyɛnpe Ebɔrɛ m bɔlɔ kenishi nseŋ shin nɛ mo doŋana keni mo jiga so, fo pibinyɛn nɛ eche na kurge na beeŋ wu.”

2 Bewura 5:13

Ndoŋ nna nɛ Neeman be nyɛrbi yɔ mo kutɔ n ya kaŋɛ mo le: “Enyɛnpe, anebi ere daŋ kaŋɛ fanɛ fo wora kusɔ kpakpaso ko nna, fo daa maaŋ wora a? Nɛ manɛ e ba nɛ e kaŋɛ fo fanɛ fo ya bɛr nchu na to nseŋ nya alenfia nɛ fo kini?”

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 52:5

Naniere aloŋ e naaŋ wora ashi Babilɔn be efuli so gba. Men la anya nna, ama b maŋ ka shɛŋ n tɔ menyi. Bekama nɛ baa ji kuwura menyi so na bee puchi nna nsaa wu bumo be amu a wɔtɔ ma a keni ma jiga.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Ezikɛl 36:20

Kaplɛkama malɛ nɛ b yɔ, b daa ŋaba ma ketre cheembi na nna; ŋkpal manɛ so, le nɛ efuli pɔtɛana be basa daa kaŋɛ: ‘Enyɛnpe Ebɔrɛ na be basa nna na. E tintiŋ bumo nna n lar bumo gbagba be kasawule so.’

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Matiu 11:30

Kubɔ to be kebarga nɛ meeŋ sa menyi na maŋ du kpakpa nɛ esulɔ nɛ mee ta a sulɔ menyi na malɛ gba maŋ wɔ egbɛ.”

Matiu 11:9

Men kaŋɛ ma, manɛ nɛ men daa tama keyawu? Men daa tama keyawu anebi nna ŋko? Kashenteŋ nɛ mee kaŋɛ menyi na fanɛ men daŋ ya wu emo nɛ e chɔ anebi gba.

Luuk 17:1

Nɛ Yesu kaŋɛ mbe bebɛsopo: “Asɔ nɛ a bee shin nɛ basa bee wora alubi baŋ fuli nna, ama asheŋ maaŋ nyalɛ n sa esa nɛ a beeŋ bɔla mo so m ba na kikɛ.

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Ashuŋ Shunso 10:7

Kede be kaman nɛ malaika nɛ e daa malga mo kutɔ na yige mo nseŋ yɔ nɛ Kɔɔnilias tre mbe laŋ to be nyɛrbi anyɔ ko nɛ enapo ko nɛ e daa la abɔrɛshenshapo nsaa la bumo nɛ b daa shuŋ a sa Kɔɔnilias gbagba na be eko

Ashuŋ Shunso 15:10

Nɛ manɛ e ba nɛ menyee ta le be kesheŋ kpakpaso nɛ an nanaana maŋ tiŋ ŋko an gbagba maaŋ tiŋ n wora a deŋi beyirdapo ere so nɛ men wora Ebɔrɛ ŋ keni?

Romebi 2:24

Loŋ koŋwule na malɛ nɛ abɔrɛsibɛ na bee kaŋɛ na fanɛ: “Menyi, Juwebi so nɛ nnyamase bee malga a ji Ebɔrɛ emɔrɔ.”

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.