1 Timoti 5:8 - EBƆRƐ BE KAWƆL

⁸ Ama eche kama nɛ e maa keni mo kurgepoana so, fɔnfɔŋ basa nɛ b mata mo na, yige kebaakɔ anyi be yirda na to nna na. Esa nɛ e maŋ yirda Yesu Kristo na malɛ gba bɔ loŋ be esa.

1 Timoti 5:8 ပူးပေါင်းရင်းမြစ်များ

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Matiu 18:17

Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.

Matiu 7:11

To, nɛ menyi ere ka la basa lubi le nsaa nyi asɔ lela be kebaata a sa men be mbia, nɛ men Tuto Ebɔrɛ nɛ e wɔ ebɔrɛso na ai? Mo ere maaŋ shuli n sa bekama nɛ b kule mo asɔ lela a?

Baru lela nɛ Jɔn kute na 15:22

Kumo alɛ nɛ n daa maŋ ba nna m ba malga n sa bumo, b daa maaŋ tɔr alubi be ntaŋ, ama naniere b maaŋ tiŋ n ji n lar.

1 Kɔrintebi 6:6

Ama ekurgepo ko bee ta mo barkasa nna a yɔ demujikpa nɛ b ya yili basa nɛ b maa bɛ Yesu so na be anishito a?

2 Kɔrintebi 12:14

Ma keba mo nɛ n wora shiriya nɛ m ba bɔɔ menyi so ere e naa ti ma kela sasopo so, ma alɛ maa ba nna nɛ m ba kaa dese menyi so. Ŋkpal manɛ so, mannɛ menyi be asɔ nɛ mee sha, menyi gbagba nɛ mee sha, ŋkpal manɛ so, mannɛ mbia e naa ji a ka a yili bumo nawuraana, ama bumo nawuraana bre e naa ji a ka a yili bumo.

2 Kɔrintebi 6:15

Nuso nɛ Kristo nɛ alubipo Beelial na bee wora a kɔ kɔnɔkoŋwule a wɔtɔ? Manɛ e wɔ ebɛsopo nɛ emo nɛ e maŋ la ebɛsopo be nferinto?

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 3:8

N nyi men be aworbi. Men nu nfe, m bugi kabuna mo nɛ esa kikɛ maaŋ tiŋ n ti na n yili menyi. N nyi men ka maŋ kɔ eleŋ ga, ama men ta ma mmalga n wɔtɔ men be ŋgbene to ŋkaa maŋ lar ma ketre na kaman.