1 Timoti 5:6 - EBƆRƐ BE KAWƆL

⁶ Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

1 Timoti 5:6 ပူးပေါင်းရင်းမြစ်များ

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Aŋasa 29:21

Fo baŋ yili kayɛrbi be kebia to n di mo kefɛ, e beeŋ bar fo kebɔltofinfin kacha ko.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 47:1

Enyɛnpe Ebɔrɛ na yɛ: “Babilɔn be kadegboŋ be basa, men yige eleŋgboŋ nɛ men kɔ durnya to na kikɛ to, nseŋ gbelge m ba chena kasawule eshishɛrpumpuŋ to fanɛ mbia. Jemanɛ ko menyi be kadegboŋ daa du fanɛ eche nɛ e maŋ nyi enyɛn nna, nseŋ daa la kadegboŋ nɛ ekama daa maŋ naŋ kɔ m pɔɔ so kikɛ. Menyi alɛ daa nya kusɔ kama nɛ menyee sha kanaŋkamaso nna. Ama asheŋ beeŋ chɛrga n sa menyi naniere!

Jɛremaya 6:2

Jerusalɛm be kadegboŋ na walɛ kebita ga, ama kumo alɛ beeŋ mur.

Nfabel 4:5

Basa nɛ b daa ji ajibi lela nɛ amo be yawu du kpakpa ga na nɛ akoŋ bee mɔ a lɛ agbembi so na. Bumo nɛ b daa ji kedamaya na, e naa amuni so a fin ajibi jiso na.

Matiu 8:22

Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 15:13

Nɛ etuto na barga mbe asɔ na to n sa bumo. K maŋ chɛr ko nɛ ekekarso na chala mbe asɔ kikɛ n fa nseŋ ta mbe amansherbi m pɛ efuli wɔfɔ ko be ekpa. E ka yɔ kade ko nɛ e ya ji mbe amansherbi na chilchilso n loge pɔp.

Luuk 15:24

ŋkpal manɛ so, ma kebia ere daŋ wu nna, ama e naŋ ba ŋkpa to, e daŋ foe nna, ama e naŋ wu epe be ekpa m ba.’ Ndoŋ nna nɛ b fara a ji bumo be amu.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 7:25

Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Kashenteŋto basa nɛ baa kaa buu loŋ be asɔbuuso a wɔ dama to na bee kaa wɔ ewurkpaana nna.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Ditɛronɔmi 28:54

Jemanɛ na kaŋ fo, menyi to be enyɛn kama nɛ e du boeŋ nsaa la esa gba beeŋ ba kaa yɛla kenishi to a fin ajibi hale n ya pɛ mbe mbia ko n we ŋkpal e ka maŋ nya ajibi nɛ e ji so. E maaŋ sa mo niopibi ŋko mbe eche nɛ e bee sha ga ŋko mbe mbia nɛ b ka na gba be ekama, kebia nɛ e mɔ a we na be eblaŋ na be ako.

Ditɛronɔmi 28:56

Loŋ be jemanɛ na, menyi to be eche nɛ e du boeŋ nsaa la damawura nɛ e maŋ naŋ lar n nite aya so n yɔ kaboŋ ko ŋ ku so gba beeŋ ba kaa yɛla kenishi to a fin ajibi, hale n ya ŋana n ta mbe kebia popɔrbi nɛ kekurgesha kikɛ n we. E maaŋ sa mo kul nɛ e bee sha ga na gba ŋko mbe mbia nɛ b ka na be ekama.

Kɔlɔsiebi 2:13

Men ka daŋ wu ŋkpal men be alubi nɛ men be kebaawɔtɔ lubi na so, jemanɛ nɛ men daa maŋ nyi Ebɔrɛ na, Ebɔrɛ tiŋi menyi nɛ Yesu Kristo na luwu to n sa menyi ŋkpa n ta anyi be alubi m paŋ anyi.

2 Timoti 3:6

Bumo to be beko e naa ŋana a luri basa peana a pɔɔ beche nɛ b maa tiŋ a keta bumo be amu so na. Loŋ be beche, alubi e nyaŋ bumo ŋ keta nɛ ayɛlgasɔ be yiri kikɛ kɔ bumo to a wora kusɔ kama.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

1 Samuɛl 15:32

Nɛ Samuɛl ponte ŋ kaŋɛ le: “Men ta Amalɛk be ewura Agag na m ba sa ma nfe.” Nɛ Agag ba yili Samuɛl kutɔ nsaa chicha kufuso a fɛ mbe kumu to le: “Naniere bre b maaŋ naŋ mɔ ma.”

1 Samuɛl 25:6

Le be kubɔya nɛ e daŋ ta n shuŋi bumo Nabaal kutɔ. E yɛ: “Fo teri Deevid e naa chɔrɔ fo na, nsaa bishi fo nɛ fo kanaŋ nɛ kusɔ kama nɛ fo kɔ be alenfia be asheŋ.