1 Timoti 5:5 - EBƆRƐ BE KAWƆL

⁵ Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

1 Timoti 5:5 ပူးပေါင်းရင်းမြစ်များ

Nshɛ 91:4

E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Nfabel 1:13

Enyɛnpe Ebɔrɛ na e shin nɛ ebesa shi esoso m ba luri anyi be eyurana to a chɔɔ fanɛ edɛ na. K du fanɛ e ka sho kejigbelɛ m pɛ anyi nɛ an tɔr kasawule nna. Kumo be kaman nɛ e yige anyi n wɔtɔ ebesa nɛ k maa yige to.

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Ashuŋ Shunso 26:7

Kɔnɔ naseso koŋwule nɛ anyi be basa be nnaŋ kuduanyɔ ebi na bee bunyaŋ Ebɔrɛ kapa nɛ kanyɛ nsaa tama kenya na gbagba chap na. Yiramu, le be tama ere malɛ so nɛ Juwebi na bee ku asheŋ a deŋi ma na.

Ashuŋ Shunso 6:1

Saŋko kananɛ bebɛsopoana na daŋ baa wora keshi a ti so na nɛ kɔnɔgberge tɔr Juwebi nɛ b daa malga Griik to na nɛ bumo nɛ b daa la ndetobia gbagba na so. Juwebi nɛ b daa malga Griik to na e daa kaŋɛ fanɛ bumo na daa gal bumo be bekulpocheana nna a lɛ a maa sa bumo karechɛ kama be kasɔchige be kechɛto na.

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Ashuŋ Shunso 9:41

Nɛ Pita pɛ mbe enɔ to n chɛ mo to nɛ e niŋi to nseŋ tre beyirdapo na nɛ bekulpocheana na m ba ta mo ŋkpa to m bɔɔ bumo enɔ.

Romebi 1:12

Kumo e la fanɛ nɛ n tiŋ m ba, menyi be yirda beeŋ leŋ ma to nɛ ma alɛ peya e leŋ menyi alɛ gba to.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

1 Kɔrintebi 7:32

Mee sha fanɛ men be ŋgbene e baa dese menyi nna. Enyɛn mo nɛ e maŋ kɔ eche be nfɛra wɔ Enyɛnpe be aparsheŋ to so nna nɛ e bee fɛ kananɛ e beeŋ wora n wora Enyɛnpe na be aparsheŋ.

1 Kɔrintebi 7:34

nɛ mbe nfɛra bee wora mo anyɔnyɔ. Eche nɛ e maŋ kɔ ekul ŋko eche mo nɛ e maŋ nyi enyɛn be nfɛra wɔ Enyɛnpe be asheŋ to so nna nɛ e bee fɛ kananɛ e beeŋ wora n wora a du cheembi ashi mbe eyur nɛ mbe kiyoyu to be asheŋ. Ama eche kilpo be nfɛra wɔ durnya ere to be asheŋ to so nna a fɛ kananɛ e beeŋ wora n wora mo kul be aparsheŋ.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

1 Timoti 2:1

To, kusɔ nɛ mee sha kejuŋkpar ŋ kaŋɛ e la fanɛ a daga fanɛ bebɛsopo e baa kule Ebɔrɛ a sa basa kikɛ. B baa kaŋɛ Ebɔrɛ basa be asheŋ tirso be asheŋ nsaa kule mo asɔ a sa bumo nseŋ naa chɔrɔ mo a sa bumo a ti so.

1 Timoti 5:16

A daga fanɛ ebɛsopo kama nɛ e kɔ bekulpoche mbe kanaŋ to ka bee keni bumo so nsaa maŋ baŋ yige bumo n sa asɔri to ebi. Nɛ le be bekulpoche bee nya kechɛto bumo kurgepoana kutɔ, asɔri na to ebi beeŋ tiŋ ŋ keni bekulpoche gbagba so.

1 Timoti 5:3

Baa bunyaŋ bekulpoche nɛ b maŋ kɔ bechɛtopo na.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.

1 Pita 3:5

Ŋkpal manɛ so, loŋ nɛ dra na be beche mo nɛ b daa du cheembi nseŋ daŋ ta bumo be tama n wɔtɔ Ebɔrɛ to na daa ji bumo be kebita nseŋ daa nu a sa bumo kulana.

Ruf be kawɔl 2:12

Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”