1 Timoti 5:3 - EBƆRƐ BE KAWƆL

³ Baa bunyaŋ bekulpoche nɛ b maŋ kɔ bechɛtopo na.

1 Timoti 5:3 ပူးပေါင်းရင်းမြစ်များ

Job be kawɔl 29:13

Bekama nɛ asheŋ pɔɔ so nɛ n chɛ bumo to na nɛfa ma, ma alɛ daŋ chɛ bekulpoche to nɛ bumo be ŋgbene fuli bumo.

Job be kawɔl 31:16

M maŋ naŋ kini kechɛ betirpo to kikɛ, ma alɛ maŋ naŋ mɔn bekulpoche kusɔ nɛ baa sha kikɛ.

Nshɛ 146:9

Enyɛnpe Ebɔrɛ na e naa keni befɔ so, nsaa ji a chɛ amunibi nɛ bekulpoche to; ama kumukpakpasowuraana bre, e bee mur bumo nna.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 94:6

Baa mɔ bekulpoche nɛ amunibi nɛ befɔ nɛ b wɔ kasawule na so nna.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Jɛremaya 49:11

Ama menyeeŋ tiŋ n yirda ma nseŋ yige menyi be amunibi nɛ bekulpoche n sa ma nɛ m baa keni bumo so.

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Luuk 7:12

E ka baŋ ba kaa fo kade na be kabuna nɛ b sulɔ ebuni a yɔ nɛ b ya puli. Ebuni na daa la ekulpoche ko be ebi koŋwule nna nseŋ wu nɛ kade na to be basa damta ko bɛ ekulpoche na so a lar a yɔ nchaŋ na ase.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Ashuŋ Shunso 6:1

Saŋko kananɛ bebɛsopoana na daŋ baa wora keshi a ti so na nɛ kɔnɔgberge tɔr Juwebi nɛ b daa malga Griik to na nɛ bumo nɛ b daa la ndetobia gbagba na so. Juwebi nɛ b daa malga Griik to na e daa kaŋɛ fanɛ bumo na daa gal bumo be bekulpocheana nna a lɛ a maa sa bumo karechɛ kama be kasɔchige be kechɛto na.

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Ashuŋ Shunso 9:41

Nɛ Pita pɛ mbe enɔ to n chɛ mo to nɛ e niŋi to nseŋ tre beyirdapo na nɛ bekulpocheana na m ba ta mo ŋkpa to m bɔɔ bumo enɔ.

Ditɛronɔmi 10:18

Mo ere Enyɛnpe Ebɔrɛ na e naa kuŋ amunibi nɛ bekulpoche nsaa keni befɔ nɛ b wɔ anyi be basa to so, a sa bumo ajibi nɛ asɔbuuso.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’

1 Tɛsalɔnikaebi 2:6

An daa beeŋ tiŋ n shin nɛ men wora kusɔ kikɛ n sa anyi ŋkpal an ka la Yesu be beshuŋipo so, ama an daa maŋ fin mbo ashi esa kikɛ kutɔ ŋko menyi gbagba kutɔ ŋko basa pɔtɛ kutɔ.

1 Timoti 5:2

Baa leŋ bechenimu to fanɛ kananɛ feeŋ wora fo nio kurgeso. Baa leŋ besuŋgurbi to fanɛ kananɛ feeŋ wora fo sipocheana gbagba nsaa maa kɔ kusɔ jigaya be nfɛra.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.