1 Timoti 5:22 - EBƆRƐ BE KAWƆL

²² Sa maa nya manaŋ a ta fo enɔ a deŋi esa kikɛ so a ta mo a bɔɔ Ebɔrɛ enɔ kabɔrɛkule to. Fo alɛ e sa maŋ kaŋ luri basa pɔtɛ be alubi to ŋko kusɔ jigaya be kebaawɔtɔ to.

1 Timoti 5:22 ပူးပေါင်းရင်းမြစ်များ

Nshɛ 50:18

Beyu nɛ basa lubi nɛ menyee ji keteri nsaa sha basa nɛ b maa bɛ bumo be kakil to be nnɔ naseso so.

Ashuŋ Shunso 13:3

Nɛ b kishi nseŋ kule Ebɔrɛ n ta bumo be enɔana n deŋi basa anyɔ na so nseŋ shin nɛ b yɔ.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Ashuŋ Shunso 20:26

Amoso, m baa bugi asheŋ to nna a kaŋɛ menyi kabre nna fanɛ: Nɛ menyi be ekama baŋ foe ekpa, mannɛ ma e bar kumo,

Ashuŋ Shunso 6:6

Bumo nɛ beyirdapoana na daŋ lara m bɔɔ beshuŋipo na enɔ nɛ b ta bumo be enɔana n deŋi n deŋi bumo nɛ b lara na so ŋ kule Ebɔrɛ n sa bumo.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

1 Timoti 3:10

Pɔɛŋ nɛ b ki bechɛtopo asɔri to, a daga basa ka keni bumo be kebaawɔtɔana to nɛnɛ ŋ keni ŋko loŋ be kenimu daga bumo a.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

1 Timoti 4:14

Loŋ na fo maaŋ gal kusɔ nɛ Ebɔrɛ ta m bɔɔ fo enɔ fanɛ fo wora saŋɛ nɛ basa wu fo asheŋ ŋ kaŋɛ nɛ benimu daŋ ta enɔana n deŋi fo so ŋ kule Ebɔrɛ n sa fo na n lɛ.

2 Timoti 1:6

Amoso nɛ mee nyiŋi fo fanɛ fo shin nɛ kakɛ nɛ Ebɔrɛ daŋ ta n wɔtɔ fo to saŋɛ nɛ n daŋ ta ma enɔana n deŋi fo so kabɔrɛkule to na e baa wora keshi a nyɛrga a ti so fanɛ edɛ na.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Hibruwebi 6:2

A maŋ daga fanɛ an naa ŋini keyirda Ebɔrɛ be asheŋ ŋko n naa ŋini menyi kabɔrɛbɛrana be keŋini nɛ enɔana be kebaata a deŋi basa so ŋko basa be ketiŋi luwu to be asheŋ nɛ demuji be kasogberge nɛ k maŋ kɔ ekar na be asheŋ kuraa.

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

2 Jɔn 1:11

ŋkpal manɛ so, ekama nɛ e chɔrɔ mo bee chɛ mo to a wora mbe ashuŋ lubi na nna na.

Kelaraŋŋini 18:4

N daŋ naŋ nu ebɔl ko ka shi ebɔrɛso ŋ kaŋɛ: “Ma basa, men lar mbe asheŋ to, saŋɛ na so men maaŋ tu mo n luri mbe alubi na to, saŋɛ na so men maaŋ nya mbe etɔrɔ na be kekama.