1 Timoti 5:10 - EBƆRƐ BE KAWƆL

¹⁰ nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

1 Timoti 5:10 ပူးပေါင်းရင်းမြစ်များ

Jɛnesis 18:4

Men shin nɛ b bar menyi nchu nɛ men fɔr menyi be aya so. Men chena kedibi ere be kifito a wushi

Jɛnesis 19:2

ŋ kaŋɛ: “N nyɛnpeana, men jande, men ba ma, menyi be kenya be laŋ to m ba fɔr menyi be aya so nseŋ di ndoŋ ŋklade. Kare kaŋ chɛ nɛ men naa yɔ menyi be enite to.” Nɛ b kaŋɛ: “M-m, anyeeŋ dese kelɔnɛ so nfe kanyɛ ere.”

Jɛnesis 24:32

Ndoŋ nna nɛ Eebraham kayɛrbi na tu Leeban n yɔ epe nɛ b saŋɛ n saŋɛ enyɔma na be esulɔ nseŋ sa bumo ajibi. Kumo be kaman nɛ b sa kanyɛn na nchu nɛ e fɔr aya so.

Jɛnesis 43:24

Ndoŋ nna nɛ kayɛrbi nimuso na keta bumo n luri Josɛf be kowu to n ya sa bumo nchu nɛ b fɔr bumo be aya so nseŋ sa bumo be ekurma ajibi.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Levitikɔs 25:35

Nɛ ketir pɛ men barkasa Israɛl be esa nɛ e wɔ menyi to nɛ e maa tiŋ a keni mbe kumu, a daga men ka keni mo so fanɛ kananɛ menyee keni befɔ so na, saŋɛ na so, e beeŋ tiŋ a wɔ menyi to.

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 7:38

m ba kaa yil Yesu be aya ase a shu anishichubi a wurge Yesu be aya so. Kumo be kaman nɛ e gbir n ta mbe emin m melti anishichubi na nseŋ pipe Yesu be aya na bunyanso nseŋ chulgi tulale lelabi na n wurge mbe aya na so.

Luuk 7:44

Nɛ Yesu kaŋɛ: “Kashenteŋ nɛ fo ji.” Kumo be kaman nɛ e kilgi kache na kutɔ nseŋ bishi Saimɔn: “Fo wu kache ere a? Ŋ ka ba fo pe fo maŋ sa ma aya be nchu, ama mo ere ta mbe anishichubi n fɔr ma aya so nseŋ ta mbe emin m melti amo ashi to.

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Ashuŋ Shunso 22:12

Kanyɛn ko daa wɔtɔ a la abɔrɛshenshapo a bɛ anyi be mbra na so nɛ baa tre mo Ananiyas. Damaskɔs to be Juwebi na kikɛ daa sa mo bunyaŋ nna.

Ashuŋ Shunso 6:3

Amoso, bekurgepoana, men lara menyi to be basa ashunu nɛ ekama nyi Kiyoyu Cheeŋ na nɛ kanyiasheŋ ka bɔlɔ bumo to nɛ an shin nɛ b baa keni le be kushuŋ na so

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

1 Timoti 2:10

Asɔ nɛ a daga b ka wora nɛ basa e wu e la alelasheŋ nɛ a daga beche nɛ b yɛ baa bunyaŋ Ebɔrɛ.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

1 Timoti 3:7

A daga fanɛ loŋ be enimu e baa kɔ ketre basa pɔtɛ nɛ b maŋ wɔ asɔri to na to, nɛ mannɛ aloŋ, e beeŋ nya ketre lubi nseŋ tɔr Setani be kejigbelɛ to n wora alubi.

1 Timoti 5:16

A daga fanɛ ebɛsopo kama nɛ e kɔ bekulpoche mbe kanaŋ to ka bee keni bumo so nsaa maŋ baŋ yige bumo n sa asɔri to ebi. Nɛ le be bekulpoche bee nya kechɛto bumo kurgepoana kutɔ, asɔri na to ebi beeŋ tiŋ ŋ keni bekulpoche gbagba so.

1 Timoti 5:25

Loŋ koŋwule na nɛ basa bee wu alelasheŋ gba ka fuli a dese geeŋ, hale amo nɛ a ŋana naniere gba beeŋ lar efuli so kacha ko.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

2 Timoti 1:5

Mee kaa nyiŋi kagbene koŋwuleso be yirda nɛ fo kɔ. Yirda koŋwule nɛ fo nanache Lowis nɛ fo nio Yunis daa kɔ na gbagba chap nɛ m baa nyi fanɛ fo alɛ gba kɔ na.

2 Timoti 2:21

To, esa kama malɛ nɛ e lara mbe kumu ashi asheŋ jiga to, kumo ere e beeŋ baa la esa nɛ Enyɛnpe na bee lara nna nɛ e shuŋ kenishipereso be ashuŋ. Amodoŋwura mo Nyɛnpe beeŋ baa fute a yige mo so nseŋ ta kushuŋ lela kikɛ m bɔɔ mo enɔ.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

2 Timoti 3:17

Ade kikɛ e naaŋ shin nɛ Ebɔrɛ be esa e tiŋ m bela ase ŋ kre to nɛnɛ n shuŋ kushuŋ lela kikɛ.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Taites 2:7

Kusɔ kama nɛ fo alɛ gbagba bee wora, shin nɛ k baa la kesheŋ nɛ basa beeŋ tiŋ ŋ keni so n wora asheŋ lela. Baa kɔ kashenteŋ nɛ kenishipere a wɔtɔ fo keŋini to.

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.

Taites 3:14

Shin nɛ an peebiana na e ŋini bumo be amu alelasheŋ be kebaawora, saŋɛ na so, baaŋ baa tiŋ a nya karechɛ kama be asɔ nɛ a daga nsaa maŋ baa wɔtɔ jiga loŋ a maa bar asɔrso kama.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 10:24

Men shin nɛ an baa nyiŋi a leŋ abar to a wɔtɔ kasha nɛ aworbi lela to.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 4:9

Men baa sɔ abar men peana nsaa maa muni to.

3 Jɔn 1:12

Demitrias bre, ekama bee malga mbe kebaawɔtɔ lela be asheŋ nɛ loŋ be kebaawɔtɔ na malɛ nɛ kashenteŋ be keŋini na maa lar abar kaman. Anyi alɛ gba bee ji mbe kebaawɔtɔ lela be shɛda nɛ fo alɛ nyi anyi be shɛda ka la kashenteŋ.