1 Timoti 4:8 - EBƆRƐ BE KAWƆL

⁸ Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

1 Timoti 4:8 ပူးပေါင်းရင်းမြစ်များ

Job be kawɔl 22:2

“Manɛ be tɔnɔ nɛ edimɛdi kɔ n sa Ebɔrɛ? Hale edimɛdi to be benyiashempo gba maŋ kɔ tɔnɔ n sa mo.

Job be kawɔl 36:11

Nɛ b wora Ebɔrɛ kasonu nsaa shuŋ mo, asheŋ naa nite nɛnɛ nna a sa bumo nɛ b naŋ nya kayurwushi bumo be kebaawɔtɔ to.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 37:11

Ama bebɔlpo bre beeŋ ji kasawule ere so be tɔnɔ; nseŋ nya kagbenewushi gboŋgboŋi.

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Nshɛ 37:9

Alubiworapoana kikɛ beeŋ mur. Ama bekama nɛ b yirda Enyɛnpe Ebɔrɛ na bre beeŋ ji kasawule ere so be tɔnɔ.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 19:23

Fo baa wora Ebɔrɛ kasonu feeŋ ji efute tenteŋ; Esa nɛ e bee ŋana Ebɔrɛ be kagbene bee dese mo nna; e maa lɔ kufu.

Aŋasa 22:4

Kamoobarase nɛ kabɔrɛŋana e naa sa esa kanya nɛ kemaŋkura nɛ ŋkpa tenteŋ.

Kaŋinichiŋgeliŋ 8:12

Kumukpakpasowura beeŋ tiŋ n wora alubi kalfa nseŋ kraŋ ji efute n chɛr, ama n nyi fanɛ asheŋ beeŋ nite nɛnɛ n sa esa nɛ e bee ŋana Ebɔrɛ nsaa wora mo kasonu na.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Matiu 12:32

Esa kama nɛ e malga ŋ gbiti ma, Nyiŋgbasa Pibinyɛn beeŋ tiŋ n nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be keyigempaŋ kikɛ, jemanɛ ere so ŋko jemanɛ nɛ k bee ba na.”

Matiu 19:29

Ekama malɛ nɛ e yige mo pe ŋko beda nɛ besipo ŋko besipoche ŋko betuto ŋko benio ŋko bibi ŋko nsawule ŋkpal ma so, amodoŋwura beeŋ nya amo be ntuŋ kalfaso nseŋ nya ŋkpa nɛ k maŋ kɔ ekar na n ti so.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Maak 10:30

E beeŋ nya ntuŋ kalfaso be nwu nɛ beda nɛ besipo nɛ besipoche nɛ benio nɛ mbia nɛ nsawule, amo nɛ etɔrɔ, nɛ jemanɛ nɛ k bee ba na to e naaŋ nya ŋkpa nɛ k maŋ kɔ ekar na.

Luuk 5:38

Kashenteŋto, nsa popɔr daga asɔ popɔr to be keluri nna!

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 3:22

Pɔɔl ŋko Apɔlɔs ŋko Sifas ŋko durnya ŋko ŋkpa ŋko luwu ŋko asheŋ nɛ a bee wora naniere ŋko amo nɛ a beeŋ wora echefoso kikɛ nyam la menyeya nna.

1 Kɔrintebi 8:8

Ama ajibi maaŋ tiŋ n yɛr anyi Ebɔrɛ be anishito. Nɛ an baa maŋ ji, anyi maa paŋ shɛŋ Ebɔrɛ kutɔ nɛ anyi alɛ naŋ ji, anyi maa nya shɛŋ.

1 Timoti 4:7

Baa gelge chilchil be mmalga nɛ edaŋkare be mmalga nɛ a maa bunyaŋ Ebɔrɛ nseŋ ŋini fo kumu abɔrɛsheŋ be kebaawɔtɔ.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

1 Timoti 6:6

Ama esa nɛ e wɔ abɔrɛsheŋ na be kebaawɔtɔ to nsaa shin nɛ asɔ nɛ e kɔ bee bɔlɔ mbe kenishi a kukwe mo na nawule e la damawura.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.