1 Timoti 4:7 - EBƆRƐ BE KAWƆL

⁷ Baa gelge chilchil be mmalga nɛ edaŋkare be mmalga nɛ a maa bunyaŋ Ebɔrɛ nseŋ ŋini fo kumu abɔrɛsheŋ be kebaawɔtɔ.

1 Timoti 4:7 ပူးပေါင်းရင်းမြစ်များ

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

1 Timoti 1:4

Shin nɛ b lar ablɔmbi fuloŋ nɛ kakurge to be mmalga tenteŋana na to. Loŋ be mmalga bee bar emɔrɔ nna a maa ŋini kabɔrɛbɛso nɛ k bee shi yirda to na.

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

1 Timoti 2:10

Asɔ nɛ a daga b ka wora nɛ basa e wu e la alelasheŋ nɛ a daga beche nɛ b yɛ baa bunyaŋ Ebɔrɛ.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Timoti 2:16

Baa gelge mmalga nɛ a maa bunyaŋ Ebɔrɛ, ŋkpal manɛ so, a bee lara basa abɔrɛsheŋ be nfɛra to nna a shin nɛ baa luri alubi damta to a ti so.

2 Timoti 2:23

Baa gelge kawuliso nɛ chilchil be emɔrɔ fuloŋ, ŋkpal manɛ so, fo nyi a ka bee bar nlu.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!

2 Timoti 4:4

Baaŋ ti bumo be asoe n sa kashenteŋ na nseŋ bugi amo a nu edaŋkaresheŋ be ablɔmbi nɛ a maŋ kɔ kifi.

Taites 1:14

Shin nɛ b sa maŋ naa nu a sa Juwebi be adrasheŋ be ablɔmbi nɛ mbra nɛ a shi basa nɛ b kini kashenteŋ na kutɔ na.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Taites 3:9

Ama baa gelge kawuliso be emɔrɔ nɛ kekurgeso be mmalga nɛ nlu. Fo alɛ e sa maŋ naŋ kpal mbra na so a wɔ kɔnɔgberge to, ŋkpal manɛ so, amo kikɛ la asheŋ fuloŋ nna a maŋ kɔ tɔnɔ.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.