1 Timoti 4:6 - EBƆRƐ BE KAWƆL

⁶ Nɛ fo ŋini bekurgepoana na asheŋ ere, feeŋ baa la Kristo Yesu be kenya lela a kɔ yirda be mmalga nɛ keŋini lela nɛ fo bɛ so na be eleŋ.

1 Timoti 4:6 ပူးပေါင်းရင်းမြစ်များ

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Aŋasa 4:2

Asɔ nɛ a walɛ nɛ mee ŋini menyi; amoso men baa nyiŋi amo.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Luuk 1:3

Ebunyampo, ma Luuk gba keni asheŋ na kikɛ to nyam ŋ koya amo nɛnɛ

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 15:15

Ama kawɔl ere to m malga asheŋ ko nɛ amo be ekpa so n sa menyi fanɛ ŋ ka bee nyiŋi menyi amo be asheŋ na. N nya kenyɛn nna m malga amo kikɛ ŋkpal kuwɔr nɛ Ebɔrɛ wu ma n shin nɛ ŋ ki Yesu Kristo be kenya a shuŋ a sa nnyamase na so.

1 Kɔrintebi 4:17

Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

Ɛfesesebi 6:21

An kurgepo shaso Tikikes nɛ e bee shuŋ Enyɛnpe na kagbene koŋwuleso beeŋ sa menyi ma baru nɛ men pin ma kebaawɔtɔ be asheŋ.

Filipaiebi 2:20

Mo nawule nɛ ma nɛ mo baa kɔ nfɛra koŋwule nseŋ naa la esa nɛ men be kebaawɔtɔ be asheŋ wɔ mo to fanɛ kananɛ k wɔ ma to na.

Filipaiebi 2:22

Ama Timoti bre, menyi alɛ gba nyi kananɛ mo ere maŋ kɔ le be kebaawɔtɔ ere, ŋkpal manɛ so, men nyi fanɛ ma nɛ mo e baa wɔ baru lela ere be kushuŋ ere to a shuŋ fanɛ kananɛ ebi nɛ mo tuto bee shuŋ na.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kɔlɔsiebi 4:7

An kurgepo shaso Tikikes nɛ e la m barkasa kebɔrɛnya a shuŋ Ebɔrɛ kagbene koŋwuleso na beeŋ sa menyi ma baru.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

1 Timoti 4:16

Baa de so a keni fo kumu nɛ fo abɔrɛsheŋ be keŋini na so nɛnɛ. Baa wora asɔ ere, ŋkpal manɛ so, loŋ e naaŋ mɔlga fo nɛ bumo nɛ baa nu fo mmalga na.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

2 Timoti 1:6

Amoso nɛ mee nyiŋi fo fanɛ fo shin nɛ kakɛ nɛ Ebɔrɛ daŋ ta n wɔtɔ fo to saŋɛ nɛ n daŋ ta ma enɔana n deŋi fo so kabɔrɛkule to na e baa wora keshi a nyɛrga a ti so fanɛ edɛ na.

2 Timoti 3:10

Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

Taites 2:1

A daga fanɛ fo ere e baa ŋini asɔ nɛ a bɛ kashenteŋ be keŋini na so.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

2 Jɔn 1:9

Esa kama nɛ e maa shir a wɔ Kristo be keŋini na to nsaa ta asheŋ a ti amo so, maŋ kɔ Ebɔrɛ mo to. Ama ekama nɛ e shir a wɔ Kristo be keŋini na to, kɔ Etuto na nɛ Ebinyɛn na kikɛ mo to.

Juud 1:5

N nyi men ka tea nyi asheŋ nɛ mee sha kekaŋɛ menyi ere kikɛ, ama mee sha kenyiŋi menyi kananɛ Enyɛnpe daŋ mɔlga mbe basa Israɛlebi ashi Ijipt be kasawule so nna. Kumo be kaman nɛ e mur bumo to be bumo nɛ b daa maŋ yirda mo na.