1 Timoti 4:3 - EBƆRƐ BE KAWƆL

³ Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.

1 Timoti 4:3 ပူးပေါင်းရင်းမြစ်များ

Jɛnesis 9:3

Kusɔ kama nɛ k kɔ ŋkpa beeŋ baa la kusɔ jiso a sa menyi. Kananɛ n daŋ ta asɔ duuso kikɛ n sa menyi na, loŋ koŋwule na nɛ naniere mee ta kusɔ kama nyam nɛ k kɔ ŋkpa a sa menyi.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Danɛl 11:37

Ewura na malɛ beeŋ kplaŋ kegbir nɛ mo nananyɛnana daŋ shuŋ na nɛ kegbir nɛ beche bee sha ga na so. E beeŋ kplaŋ agbir na b kekama so ŋkpal e ka bee fɛ fanɛ e chɔ amo so,

Matiu 14:19

Kumo be kaman nɛ e shin nɛ basa na chena afitiri so nɛ e ta ebodobodo anu na nɛ ekɔrɔtɔ anyɔ na nseŋ keni esoso n nɛfa amo nseŋ fara a buri ebodobodo na to a sa bebɛsopo na nɛ bumo alɛ bee ta amo a sa jimaŋ na.

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Matiu 15:36

Kumo be kaman nɛ e ta ebodobodo ashunu na nɛ ekɔrɔtɔ na nseŋ chɔrɔ Ebɔrɛ nseŋ fara a buri amo to a sa bebɛsopo na nɛ bumo alɛ bee ta amo a sa basa na.

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Ashuŋ Shunso 27:35

Pɔɔl ka malga le n loge nɛ e ta bodobodo n di Ebɔrɛ epaŋ bumo kikɛ be anishito nseŋ bu kumo to n fara a we.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 14:3

Nɛ ekama malɛ nɛ e bee ji kusɔ kikɛ e sa maa fɛl emo nɛ e maa wora loŋ. Emo nɛ mo alɛ maa ji kusɔ kikɛ na malɛ e sa maa kaŋɛ fanɛ emo nɛ e bee ji kusɔ kikɛ na bee foe ekpa nna, ŋkpal manɛ so, Ebɔrɛ e sɔ amodoŋwura na.

Romebi 14:6

Esa kama nɛ e bee ta kachɛ ko fanɛ kachɛgboŋ, bee wora loŋ nna a sha kebunyaŋ Enyɛnpe. Nɛ ekama malɛ nɛ e bee ji kejibi ko, bee ji kumo nna a bunyaŋ Enyɛnpe na, ŋkpal manɛ so, amodoŋwura gba bee kaa di Ebɔrɛ epaŋ nna pɔɛŋ nsaa ji. Nɛ ekama malɛ nɛ e bee kini kejibi ko be keji, bee wora loŋ nna a bunyaŋ Enyɛnpe na nsaa di Ebɔrɛ epaŋ nna na.

1 Kɔrintebi 6:13

Esa ko malɛ beeŋ naŋ kaŋɛ le: “Ajibi e wɔ epun nɛ epun malɛ gba wɔ ajibi.” Kashenteŋ nna, ama baa nyiŋi fanɛ kachako Ebɔrɛ beeŋ mur amo kikɛ. A maŋ daga fanɛ dimɛdi e baa ta mbe eyur a wora kesakaleasheŋ, k daga fanɛ e baa ta kumo nna a shuŋ Enyɛnpe na nɛ Enyɛnpe na malɛ e baa shuŋ eyur na.

1 Kɔrintebi 7:28

Ama nɛ fo ta eche, mannɛ kulubi nɛ fo wora. Kasuŋgurbia kama malɛ nɛ e kil maŋ wora kulubi nna. Ama basa kama nɛ b luri kakil to beeŋ nya etɔrɔ ashi kebaawɔtɔ ere to, kumo alɛ be loŋ to nɛ mee sha kumɔlga menyi ashi to na.

1 Kɔrintebi 8:8

Ama ajibi maaŋ tiŋ n yɛr anyi Ebɔrɛ be anishito. Nɛ an baa maŋ ji, anyi maa paŋ shɛŋ Ebɔrɛ kutɔ nɛ anyi alɛ naŋ ji, anyi maa nya shɛŋ.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Timoti 2:4

nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

1 Timoti 4:4

Ŋkpal manɛ so, kusɔ kama nɛ Ebɔrɛ to walɛ nna, amoso, a maŋ daga basa ka kini kumo. A daga fanɛ basa ka sɔ kumo kabɔrɛkule so nɛ enɔ anyɔ.

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

1 Samuɛl 9:13

Men baŋ luri kade na to, menyeeŋ wu mo pɔɛŋ nɛ e yɔ kakpa nɛ baa lara sarga na. Basa na maaŋ fara a ji sargajibi na ama e baŋ ya nɛfa amo na pɔɛŋ. Nɛ men baŋ yɔ naniere, menyeeŋ tu mo pɔɛŋ nɛ e yɔ ndoŋ.”