1 Timoti 4:10 - EBƆRƐ BE KAWƆL

¹⁰ Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

1 Timoti 4:10 ပူးပေါင်းရင်းမြစ်များ

Nshɛ 107:2

Basa kama nɛ Enyɛnpe Ebɔrɛ mɔlga bumo ashi bumo doŋana be enɔ to na e kpaŋ mo.

Nshɛ 118:8

Keta fo yirda n to Enyɛnpe Ebɔrɛ so nɛ e baa kuŋ fo bɔ fo ka ta fo kumu n to nyiŋgbasa so

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 52:8

Ama ma ere du fanɛ ɔlif be kedibi nna, a daŋ nsaa walɛ saŋkama ashi Ebɔrɛ be laŋ to. Ma alɛ be yirda deŋ mbe kasha nɛ k maŋ kɔ ekar na so saŋkikɛ nna.

Nshɛ 84:12

O Enyɛnpetale Ebɔrɛ, kagbenefuli la esa kama nɛ e yirda fo na peya nna!

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Jɛremaya 17:7

Ama meeŋ nɛfa esa kama nɛ e ta mbe yirda n deŋi ma, Enyɛnpe Ebɔrɛ na so.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 27:43

E yirda Ebɔrɛ, ŋkpal manɛ so, e yɛ: ‘Ebɔrɛ Pibinyɛn e la ma.’ Amoso, nɛ Ebɔrɛ bee sha mo, e mɔlga mo.”

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 4:42

Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

1 Timoti 2:3

Le be asɔ la asɔ lela nna

1 Timoti 2:4

nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.