1 Timoti 3:7 - EBƆRƐ BE KAWƆL

⁷ A daga fanɛ loŋ be enimu e baa kɔ ketre basa pɔtɛ nɛ b maŋ wɔ asɔri to na to, nɛ mannɛ aloŋ, e beeŋ nya ketre lubi nseŋ tɔr Setani be kejigbelɛ to n wora alubi.

1 Timoti 3:7 ပူးပေါင်းရင်းမြစ်များ

Maak 4:11

Nɛ Yesu kaŋɛ: “Ebɔrɛ bugi kuwura na to be kesheŋ ŋini be ewulo nna n sa menyi, ama aŋasa to nɛ basa pɔtɛ bre beeŋ nu Ebɔrɛ be kuwura na to be asheŋ.

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Ashuŋ Shunso 22:12

Kanyɛn ko daa wɔtɔ a la abɔrɛshenshapo a bɛ anyi be mbra na so nɛ baa tre mo Ananiyas. Damaskɔs to be Juwebi na kikɛ daa sa mo bunyaŋ nna.

Ashuŋ Shunso 6:3

Amoso, bekurgepoana, men lara menyi to be basa ashunu nɛ ekama nyi Kiyoyu Cheeŋ na nɛ kanyiasheŋ ka bɔlɔ bumo to nɛ an shin nɛ b baa keni le be kushuŋ na so

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

1 Kɔrintebi 5:12

Kashenteŋto, m maŋ kɔ ekpa nɛ n ji bumo nɛ b maŋ wɔ asɔri na to demu. Bumo nɛ b wɔ asɔri na to e la bumo nɛ k daga an ka bee keni bumo be asheŋ to.

2 Kɔrintebi 6:3

An maa sha esa kama ka wu anyi be kushuŋ ere kulubi, amoso, anyi maa sha keta shɛŋ shɛŋ ŋ kagle esa kama ekpa.

2 Kɔrintebi 8:21

Ŋkpal manɛ so, mannɛ kusɔ nɛ k kɔ kemaŋkura ashi Ebɔrɛ be anishito nawule nɛ anyi be anishi yuu so, kusɔ nɛ k kɔ kemaŋkura dimɛdi be anishito gba nɛ anyee fin.

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.

1 Tɛsalɔnikaebi 4:12

Loŋ nɛ bumo nɛ b maa bɛ Ebɔrɛ so na beeŋ bunyaŋ menyi.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

1 Timoti 6:9

Ama basa nɛ baa sha kedii dama bee luri kechɔŋkeni to nna n tɔr kawulisheŋ nɛ ayɛlgasɔ damta be kejigbelɛ to nɛ a doro bumo m mur bumo.

2 Timoti 2:26

nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.

Taites 2:8

Shin nɛ kusɔ kama nɛ fee malga e baa kɔ kashenteŋ nɛ anishinyɔr e ji edoŋ kama nɛ e sa maŋ nya kulubi kikɛ m malga ŋ gbiti anyi.

3 Jɔn 1:12

Demitrias bre, ekama bee malga mbe kebaawɔtɔ lela be asheŋ nɛ loŋ be kebaawɔtɔ na malɛ nɛ kashenteŋ be keŋini na maa lar abar kaman. Anyi alɛ gba bee ji mbe kebaawɔtɔ lela be shɛda nɛ fo alɛ nyi anyi be shɛda ka la kashenteŋ.

1 Samuɛl 2:24

Mbia, men yige loŋ be asheŋ na. Enyɛnpe Ebɔrɛ na be basa bee malga asheŋ lubi nɛ menyee wora ere kikɛ be asheŋ a kaŋɛ ma.