1 Timoti 3:16 - EBƆRƐ BE KAWƆL

¹⁶ Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Timoti 3:16 ပူးပေါင်းရင်းမြစ်များ

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Matiu 28:2

Epul na to nɛ kasawule gbuŋgbuŋ to nɛ Enyɛnpe be malaika ko shi ebɔrɛso m ba gbelti kejembu na n lɛ nseŋ chena kumo so.

Matiu 3:16

Jɔn ka bɛr Yesu kabɔrɛbɛr na n loge epul na to nɛ Yesu lar nchu na to. Ndoŋ nna nɛ esoso bugi nɛ e wu Ebɔrɛ be Kiyoyu ka bee gbelge a ba mo so fanɛ lepɔ na.

Matiu 4:11

Ndoŋ nna nɛ alubipo na yige mo nɛ emalaika ba chɛ mo to.

Maak 1:13

E daa wɔ ndoŋ nchɛ adena nɛ Setani bee chɔ mo a keni. Kupuŋ to be asɔbɔya lubi gba daa wɔ ndoŋ nɛ emalaika ba chɛ mo to.

Maak 16:19

Enyɛnpe Yesu ka malga bumo kutɔ n loge nɛ e yɔ ebɔrɛso n ya chena Ebɔrɛ be jisoso, ebunyampo be kakpa.

Maak 16:5

Ndoŋ nna nɛ b luri nchaŋ na to n ya wu kabrantiɛbia ko nɛ e tase jisoso m buu piŋi fuful, nɛ k chinchiŋ bumo.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Luuk 20:44

Deevid gbagba daŋ tre Kristo na Enyɛnpe nɛ nuso nɛ Kristo na bee wora a la mo nanabi?”

Luuk 22:43

Nɛ malaika ko shi ebɔrɛso n lar mo so m ba kaa leŋ mo to.

Luuk 24:4

B kraa yil ndoŋ nna nɛ kesheŋ na bee chinchiŋ bumo nɛ benyɛn anyɔ ko buu epiŋi fuful parrbiana ko m ba yili m mata bumo epul na to.

Luuk 24:51

E ka bee nɛfa bumo nɛ e fara a yige bumo a yɔ ebɔrɛso.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 20:12

n wu emalaika anyɔ ka buu asɔ fuful a tase kakpa nɛ Yesu be kebuni na daa dese na. Eko daa tase kakpa nɛ Yesu be kumu ase daa wɔ na nɛ eko malɛ tase aya ase.

Baru lela nɛ Jɔn kute na 6:62

To, nɛ men daŋ wu ma, Nyiŋgbasa Pibinyɛn ka bɛta a yɔ ebɔrɛso, kakpa nɛ n daa wɔ na ai?

Ashuŋ Shunso 1:19

Basa nɛ b daa wɔ Jerusalɛm to na kikɛ daŋ nu kumo be asheŋ nseŋ sa kasawule na ketre: Akɛldama. Bumo be ŋgbar to, kumo be kifito e la: Kakpa nɛ ŋklaŋ lar n wurge.”

Ashuŋ Shunso 10:34

Nɛ Pita fara mbe kamalga ŋ kaŋɛ: “Naniere nɛ m pin kashenteŋto fanɛ Ebɔrɛ maa kpɛa to.

Ashuŋ Shunso 14:27

B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Romebi 10:12

Ŋkpal manɛ so, Ebɔrɛ be anishito Juw nɛ kanyamase maŋ kɔr abar to, Enyɛnpe na e la ekama nyam be Enyɛnpe, nɛ ekama malɛ nɛ e shu n tre mo, e beeŋ bugi kagbene n nɛfa amodoŋwura.

Romebi 10:18

Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

1 Kɔrintebi 15:47

Sososo be esa na daŋ shi kasawule ere so nna, shishɛr to be esa. Esa nyɔsopo na bre shi ebɔrɛso nna.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

Galeeshaebi 2:8

Kananɛ Ebɔrɛ daŋ sa Pita eleŋ n shin nɛ e ki eshuŋipo n sa Juwebi na gbagba gbiiŋ nɛ e sa ma eleŋ nɛ ŋ ki eshuŋipo n sa nnyamase.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

Kɔlɔsiebi 1:6

Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

2 Tɛsalɔnikaebi 2:7

Daŋga be asheŋ lubi be kewora na bre teŋ fara, ama asɔ nɛ a beeŋ wora na be eleŋ gbagba maŋ naŋ lar efuli she emo nɛ e bee kuŋ amo ekpa na lar ashi to nna.

1 Timoti 3:9

A daga fanɛ b baa kɔ kashenteŋ be wulo nɛ Ebɔrɛ bugi to ŋ ŋini na to kpakpa nɛ nfɛra lela.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 7:7

Ekama malɛ baa nyi geeŋ fanɛ esa nɛ e bee nɛfa mo barkasa e chɔ emo nɛ e bee nya nɛfa na ŋko?

Hibruwebi 8:1

Kusɔ nɛ anyee malga ere kikɛ nde fanɛ an kɔ bɔrɛmatapo nimuso mo nɛ e chena Ebɔrɛ be jisoso ashi mbe kemaŋkuragboŋ be kuwurputi ase ebɔrɛso.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

1 Pita 1:20

Ebɔrɛ lara mo nna pɔɛŋ nseŋ to durnya ere, ama lalaloge be nchɛ ere to nɛ e lara mo ŋ ŋini ŋkpal menyi so.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

1 Jɔn 1:2

Le be ŋkpa ere ka ba lar efuli nɛ an wu kumo, amoso nɛ anyee ji kumo be shɛda a sa menyi a kaŋɛ menyi ŋkpa nɛ k maŋ kɔ ekar ere be asheŋ na. K daa wɔ Ebɔrɛ na kutɔ nna pɔɛŋ nɛ b lara kumo efuli n sa anyi.

1 Jɔn 3:5

Men nyi Kristo ka ba nɛ e ba ta basa be alubi n lɛ n sa bumo. Kulubi kikɛ malɛ maŋ wɔ mo to.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Kelaraŋŋini 17:7

Ndoŋ nna nɛ malaika na kaŋɛ ma: “Manɛ e ba nɛ kesheŋ ere wora fo kanaŋ ko loŋ? Meeŋ bugi kache na nɛ kusɔbɔya nɛ e bee dii nɛ e kɔ amu ashunu nɛ alambɛ kudu na be wulo be kesheŋ na to ŋ ŋini fo.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.