1 Timoti 3:13 - EBƆRƐ BE KAWƆL

¹³ Nɛ bechɛtopo baa shuŋ bumo be ashuŋ nɛnɛ, basa bee sa bumo bunyaŋ nna nɛ b baa tiŋ a kaŋɛ basa kenyɛnso fanɛ b yirda Kristo Yesu kashenteŋ.

1 Timoti 3:13 ပူးပေါင်းရင်းမြစ်များ

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Luuk 19:17

Nɛ enyɛnpe na kaŋɛ mo: ‘Mbo, kenya lela, fo wora asɔ. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo, amoso, naniere n sa fo nde kudu nɛ fo baa keni so.’

Ashuŋ Shunso 21:35

Ebu na be kabondiikpa nawule nɛ b daŋ fo nɛ benapo na maŋ mo so ŋkpal kananɛ jimaŋ yenso na nyaŋɛ to na so.

Ashuŋ Shunso 6:15

Nshɛrwuraana nɛ b daa tase nshɛr na to na kikɛ daŋ ta bumo be anishi nna n yuu Stiven so n wu mbe anishiakpa ka du fanɛ malaika peya.

Ashuŋ Shunso 6:5

Kusɔ nɛ beshuŋipo na daŋ kaŋɛ na daŋ par beyirdapoana na kikɛ ga nɛ b lara Stiven. E daa la esa nɛ yirda nɛ Kiyoyu Cheeŋ na daŋ bɔlɔ mo to nna. B daŋ lara Filip nɛ Prɔkɔres nɛ Nikeenɔɔ nɛ Taimɔn nɛ Paamɛnas nɛ Nikolaws nɛ e daŋ shi Antiɔk n daa la kanyamase nseŋ daŋ ba tuba a bɛ Juwebi be kabɔrɛbɛso so pɔɛŋ m ba ki eyirdapo na.

Ashuŋ Shunso 6:8

Stiven daa la esa nɛ Ebɔrɛ daŋ nɛfa nna ga nɛ Kiyoyu Cheeŋ na luri m bɔlɔ mo kikɛ to nɛ e wora emamachisheŋ nɛ kashenteŋ be etɔɔnɛsheŋ damta basa na to.

1 Kɔrintebi 16:15

Bekurgepoana, men nyi fanɛ Stɛfanas nɛ mbe kowu to ebi e la bekurgepo juŋkparsoana ashi Akaya be kasawule so, bumo alɛ ta bumo be amu kikɛ nna a shuŋ Ebɔrɛ be basa laraso.

Filipaiebi 1:14

Ŋkpal loŋ be kabuti na malɛ so, bekurgepo be bedamta be keyirda Enyɛnpe na wora eleŋ nna n ti so nɛ baa nya kagbene a ti so a wɔtɔ a bɔ kubɔya na kenyɛnso.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Timoti 3:14

K maaŋ naŋ chɛr ko nɛ m ba wu fo, ama mee sibɛ asɔ ere nna a sa fo,

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.