1 Timoti 2:9 - EBƆRƐ BE KAWƆL

⁹ Mee sha nna fanɛ beche malɛ e baa nyi asheŋ nsaa buu asɔ nɛ a bee kukwe a yulge bumo so nɛnɛ. B sa maa kre bumo be amu kenyishaso ŋko a buu yawu kpakpaso be asɔbuuso ŋko a wɔtɔ shuwa nɛ yawu kpakpaso be abitasɔ nsaa wu bumo be amu kamoowuso.

1 Timoti 2:9 ပူးပေါင်းရင်းမြစ်များ

Jɛnesis 24:53

Kumo be kaman nɛ e lara shuwa nɛ gbiti be abitasɔ nɛ asɔbuusoana ko n sa Rebɛka nseŋ naŋ sa Rebɛka mo da Leeban nɛ mo nio gba yawu kpakpaso be ŋkɛ.

2 Bewura 9:30

Jehu ka yɔ Jizreel nɛ Jɛzebel nu mbe asheŋ, nseŋ ya ŋe kile nseŋ mɔ mbe emin to nɛnɛ nsaa jule a keni tokuro to ashi ewura na be laŋ to.

Ɛsta 5:1

Ekishi na be kachɛ sasopo nɛ Ɛsta ta mbe kuwurche be kale m buu nseŋ ya yili ewura na be lambubi na be kabuna to. Ewura na malɛ daa tase mbe kuwurputi so nna lambu na to a keni kabuna to.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Aŋasa 31:22

Mo gbagba e naa baa mbe asɔbuuso, nsaa buu asɔ lela fanɛ ago be ewajɛ.

Aŋasa 31:25

E kɔ eleŋ nna nsaa sa mbe kumu bunyaŋ; e maa fɔŋ echefoso be asheŋ so.

Aŋasa 7:10

Nɛ kache na mɛato kesakalea so n lar n yɔ mo kutɔ. Mbe nfɛra daa yil kananɛ e beeŋ wora n nya kabrantiɛbia na n yɔ mbe laŋ to nna.

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Aizaaya 61:4

Kumo be kaman nɛ b lɔŋɛ m pɔr ndegboŋ nɛ a bure n dese dra dra na kikɛ na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Matiu 11:8

Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Basa nɛ baa kaa buu damaso be asɔbuuso na bee kaa wɔ ewurkpaana nna.

1 Timoti 2:10

Asɔ nɛ a daga b ka wora nɛ basa e wu e la alelasheŋ nɛ a daga beche nɛ b yɛ baa bunyaŋ Ebɔrɛ.