1 Timoti 2:4 - EBƆRƐ BE KAWƆL

⁴ nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

1 Timoti 2:4 ပူးပေါင်းရင်းမြစ်များ

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Ezikɛl 18:23

Basa lubi be luwu maa par ma Enyɛnpe Ebɔrɛ na kikɛ. Kusɔ nɛ mee sha e la fanɛ b ka beeŋ tuba n lar bumo be alubi to nseŋ ji efute n chɛr.

Ezikɛl 18:32

Ma, Enyɛnpe Ebɔrɛ na maa sha fanɛ men be ekama e wu. Amoso men tuba nseŋ ji efute n chɛr!”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Luuk 1:77

ŋ ŋini mbe basa kananɛ baaŋ nya bumo be alubi be ketampaŋ bumo. Baaŋ nya kumɔlga.

Luuk 14:23

Nɛ enyɛnpe na kaŋɛ kenya na: ‘To, yɔ abɔrbigboŋana so nɛ nde karso be ekpaana so n ya leŋ basa to nɛ b ba nɛ ma ebu ere e nya m bɔlɔ basa.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 17:17

Bɔla fo kashenteŋ be mmalga na so n lara bumo durnya be basa to nɛ b baa la fo basa. Fo kamalga na e la kashenteŋ na.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

2 Timoti 3:7

Loŋ be beche beeŋ nu kusɔ kikɛ nɛ esa kikɛ bee kaŋɛ bumo, ama bumo alɛ maa tiŋ a nya kusɔ kama be ekpa be kanyiasheŋ.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Taites 2:11

Ŋkpal manɛ so, Ebɔrɛ shin nɛ mbe kuwɔr be kakɛ nɛ k bee bar kumɔlga basa kikɛ so na lar efuli.

Hibruwebi 10:26

Ŋkpal manɛ so, b ka baŋ bugi kashenteŋ na to n sa anyi ere be kaman nɛ an kraŋ kini a wɔtɔ a wora alubi, sarga kama maŋ naa wɔtɔ nɛ k tiŋ ŋ kpra alubi na n lɛ.

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

2 Jɔn 1:1

Kawɔl ere shi ma nɛ baa tre Enimu na kutɔ nna a yɔ kowurche nɛ Ebɔrɛ lara na nɛ mbe mbia kutɔ. Amo be kache na be asheŋ nɛ mee sha kashenteŋto na. Mannɛ n nawule malɛ gba e naa sha mbe asheŋ, bekama nɛ b nyi kashenteŋ be keŋini na gba bee sha mbe asheŋ,

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.