1 Timoti 2:10 - EBƆRƐ BE KAWƆL

¹⁰ Asɔ nɛ a daga b ka wora nɛ basa e wu e la alelasheŋ nɛ a daga beche nɛ b yɛ baa bunyaŋ Ebɔrɛ.

1 Timoti 2:10 ပူးပေါင်းရင်းမြစ်များ

Aŋasa 31:25

E kɔ eleŋ nna nsaa sa mbe kumu bunyaŋ; e maa fɔŋ echefoso be asheŋ so.

Aŋasa 31:31

Shin nɛ loŋ be eche be asheŋ e baa bɔlɔ fo kenishi nɛ fo baa kpaŋ mo basa to.

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

1 Timoti 2:11

A daga fanɛ beche e baa yɔɔ bumo be amu a lo to boeŋ a nu keŋini.

1 Timoti 2:9

Mee sha nna fanɛ beche malɛ e baa nyi asheŋ nsaa buu asɔ nɛ a bee kukwe a yulge bumo so nɛnɛ. B sa maa kre bumo be amu kenyishaso ŋko a buu yawu kpakpaso be asɔbuuso ŋko a wɔtɔ shuwa nɛ yawu kpakpaso be abitasɔ nsaa wu bumo be amu kamoowuso.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

Kelaraŋŋini 2:19

N nyi men be aworbi nɛ men be kasha nɛ yirda, nɛ kananɛ menyee shuŋ beko nseŋ naa nyi kanyiti nɛ men kɔ a yil to. Ma alɛ naa nyi fanɛ naniere menyee wora asheŋ ga a chɔ kananɛ men daa wora sososo na.