1 Timoti 1:9 - EBƆRƐ BE KAWƆL

⁹ Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

1 Timoti 1:9 ပူးပေါင်းရင်းမြစ်များ

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

2 Bewura 19:37

Kachako e ka yɔ kegbirlambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnso anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ nseŋ shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

2 Kronikɛls 32:21

Nɛ Enyɛnpe Ebɔrɛ shuŋi malaika nɛ e ya mɔ Asiriya be benapo na nɛ bumo be benapo be benimuana na kikɛ. Nɛ ewurgboŋ na ta anishinyɔr m bɛta n yɔ epe. Kachako e ka wɔ mbe kegbir be lambu to nɛ mbe mbinyɛnsobi ko ta bumo be etokobi m ba mɔ mo.

Ɛksodɔs 20:13

Men sa maŋ kaŋ mɔ.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Aŋasa 20:20

Esa nɛ e bee sho mo tuto nɛ mo nio kɔnɔ be ŋkpa maa teŋiso, k du nna fanɛ fitila ka duŋ tentembiri to epul to nna.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Aŋasa 28:24

Esa kama nɛ e bee fɛ fanɛ, keyuri mo tuto ŋko mo nio maŋ la kulubi maŋ kɔr eyu pɔtɛ to.

Aŋasa 30:11

Basa ko bee sho bumo tutoana kɔnɔ nna nsaa maa keni bumo nioana a bɔlɔ kenishi.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Jɛremaya 23:11

Nɛ Enyɛnpe Ebɔrɛ na kaŋɛ le: “Anebiana na nɛ bɔrɛmatapoana na maa ŋana Ebɔrɛ. Ŋkpal manɛ so, m pɛ bumo nɛ baa wora asheŋ lubi ashi bɔrɛlambu na to gbagba.

Ezikɛl 21:25

Fo, Israɛl be ewura lubi nɛ kumu kpakpaso wura ere, fo kasogberge be kachɛ maaŋ naŋ chɛr nseŋ fo.

Levitikɔs 20:9

Kede be kaman nɛ Enyɛnpe Ebɔrɛ na yili mbraana ere, “Esa kama nɛ e shoduu mo tuto ŋko mo nio daga fanɛ b mɔ mo. Mo alɛ be luwu na be turju beeŋ laŋɛ mbe kumu so ŋkpal e ka shoduu basa nɛ b kurge mo na so.

Matiu 10:21

Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ. Mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Romebi 1:30

nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 5:20

Ebɔrɛ bar mbra na nna nɛ basa be alubi e wora keshi n ti so, ama kanaŋkamaso malɛ nɛ alubi bee wora keshi a ti so, saŋɛ na so nɛ Ebɔrɛ malɛ bee shin nɛ mbe kuwɔr be kakɛ bee wora keshi a ti so a chɔ loŋ.

Romebi 6:14

A maŋ daga alubi ka ji menyi so kuwura, ŋkpal manɛ so, men maŋ naa wɔ mbra na to. Ebɔrɛ be kakɛ na be kebaawɔtɔ to nɛ men wɔ.

Galeeshaebi 3:19

To, nɛ manɛ be tɔnɔ nɛ mbra na malɛ daa kɔ? B daŋ ta kumo nna n ti so nɛ k ŋini kusɔ nɛ k baa la kulubi nsaa wɔtɔ loŋ nɛ Eebraham be kamanto be esa nɛ b nase kɔnɔ na n sa na e ya ba. Emalaika so nɛ Ebɔrɛ daŋ bɔla n shin nɛ nyiŋgbasa, anebi Mosis nna na yili Ebɔrɛ nɛ basa be nferinto m bar mbra na.

Galeeshaebi 5:18

Nɛ Kiyoyu na baa juŋkpar menyi, kumo ere men maŋ naa wɔ mbra na to.

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Galeeshaebi 5:23

nɛ kebaa bar kumu kaseto nɛ kamootiŋ. Mbra na maa pɛ basa nɛ b wɔ le be asheŋ ere to.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

1 Timoti 4:7

Baa gelge chilchil be mmalga nɛ edaŋkare be mmalga nɛ a maa bunyaŋ Ebɔrɛ nseŋ ŋini fo kumu abɔrɛsheŋ be kebaawɔtɔ.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 2:16

Baa gelge mmalga nɛ a maa bunyaŋ Ebɔrɛ, ŋkpal manɛ so, a bee lara basa abɔrɛsheŋ be nfɛra to nna a shin nɛ baa luri alubi damta to a ti so.

2 Timoti 3:2

Kumo be jemanɛ na so, basa beeŋ baa sha bumo nawule be amu nɛ amansherbi nsaa kɔ mpuchi damta nɛ kamoowu. Baaŋ baa kɔ nfɛl nsaa kini kenu n sa bumo tutoana nɛ bumo nioana nsaa la ebutuli a wɔtɔ a kplaŋ abɔrɛsheŋ so.

Taites 1:10

Ŋkpal manɛ so, amuleŋwuraana damta nɛ bumo be efɛ nɛ mmalga fuloŋ shi ndoŋ ga, fɔnfɔŋ bebɛsopo nɛ b shi Juwebi be kanaŋ to na.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

1 Pita 2:7

Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

1 Pita 4:18

Nɛ asheŋ baa du kpakpa n sa elelapo nɛ e nya kumɔlga, nuso nɛ a beeŋ ba kaa du n sa bɔrɛkinipo nɛ alubiworapo!

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.